Fjölhæf V-lína frá Mercedes-Benz

Nýr Mercedes-Benz V-Class er nýkominn í Bílaumboðið Öskju en um er að ræða einstaklega fjölhæfan bíl úr smiðju þýska lúxusbílaframleiðandans. V-Class getur verið 6, 7 eða 8 sæta, allt eftir þörfum.

Hann er einstaklega fjölhæfur í uppsetningu og breytileg sætauppröðunin gefur skemmtilega möguleika ekki síður en hagnýtur búnaður eins og rafstýrði EASY-PACK afturhlerinn sem er valbúnaður. Fjögur, þægileg og sjálfstæð sæti eru staðalbúnaður í afturrýminu. Þau eru einstaklega þægileg og opna fyrir breytilega notkun á farþegarýminu.

Með þriggja sæta bekkum fyrir aðra og þriðju sætaröð má fjölga farþegum í afturrými upp í fimm eða sex. Brautakerfi fyrir sæti með hraðlosunarbúnaði fylgir bílnum. Ef þörf er á sérstaklega miklu flutningsrými er hægt að fjarlægja sæti úr farþegarýminu á einfaldan hátt.

Hönnunin á þessum nýja bíl frá lúxusbílaframleiðandanum í Stuttgart þykir vel heppnuð. Grill með tveimur rimum og hátæknivædd LED aðalljós gefa V-línunni svipríkt yfirbragð. Innanrými V-Class er ekki síður sannfærandi með hágæða frágangi og efnisvali.

V-línan er boðin með þremur útgáfum af 2,2 lítra díslivél sem afkastar 100, 120 eða 140 kW og stuðlar að afar góðum aksturseiginleikum, lágri eldsneytisnotkun og akstursþægindum eins og í fólksbíl. V-línan er fáanleg með þremur mismunandi gerðum fjöðrunarkerfa með allt frá þægilega afslappandi eiginleikum til sportlegra eiginleika.

V-Class er boðinn með 7G – Tronic Plus sjálfskiptingu sem býður upp á fjölmarga aksturseiginleika, allt frá þægindum, til sportlegra og einkar sparneytinna eiginleika. V-Class er vel búinn háþróuðum akstursöryggiskerfum m.a. blindsvæðisvara, akgreinavara, PRE-SAFE öryggiskerfi sem verndar farþega sérstaklega þegar líkur eru á árekstri. Þá er bíllinn einnig boðinn með DISTRONIC hraðastilli með fjarlægarskynjun í næsta bíl auk 360° myndvélar svo eitthvað sé nefnt.