Bílar

Haustgrill Kia á laugardag

Finnur Thorlacius skrifar
Kia Sportage.
Kia Sportage.
Haustgrill Kia verður haldið nk. laugardag 13. september kl. 12-16. Fjölbreyttur bílafloti Kia verður að sjálfsögðu í aðalhlutverkinu í sýningarsal Bílaumboðsins Öskju að Krókhálsi 11.



,,Við ætlum að fagna haustinu sem er tími uppskeru og viljum eiga skemmtilegan dag hér í Öskju. Kia bílarnir hafa fengið góða dóma fyrir hönnun og sparneytni og þá fylgir 7 ára ábyrgð öllum nýjum Kia bílum, lengsta verksmiðjuábyrgð sem bílaframleiðandi býður upp. Nýr Kia bíll er í ábyrgð til 2021,” segir Þorgeir Pálsson, sölustjóri Kia hjá Öskju.



Margt skemmtilegt verður um að vera á sýningunni. Gestum verður boðið upp á pylsur, gos og ís auk þess sem andlitsmálun verður í boði fyrir börnin og trúðurinn Wally verður á svæðinu kl. 13.30-15.00.



Ýmis tilboð verða í gangi á meðan sýningu stendur og má nefna kaupauka upp á 50 þúsund krónur sem fylgir öllum nýjum Kia bílum sem keyptir eru á sýningunni. Þá verður boðið upp á sérkjör á fjármögnun til kaupa á nýjum Kia bíl. Einnig verður skemmtilegur myndaleikur í gangi þar sem iPad er í verðlaun.

Mest lesið




×

Mest lesið