Bílamerki Cord til sölu

Tæplegast er mikið virði í bílafyrirtæki sem smíðaði síðasta bíl sinn árið 1937. Það er samt til sölu og ef það selst ekki fyrir 22. október verður það boðið upp þann 22. nóvember.

Þetta fyrirtæki er bandarískt og heitir Cord. Cord var stofnað árið 1929 af manni sem bar sama nafn og bílarnir og framleiddi Cord flotta lúxusbíla en smíði þeirra fór fram hjá Auburn Automobile í Indiana fylki.

Cord var þekkt fyrir margar frábærar uppfinningar og mörg nýmæli sáust í Cord bílum. Meðal annars var Cord bíll fyrsti framhjóladrifni bíllinn sem boðinn var bandarískum almenningi. Einnig þóttu bílar Cord fallegir gripir eins og á þessum myndum má sjá.

Gerð var tilraun til þess að endurreisa merki Cord á sjöunda áratug síðustu aldar er maður að nafni Glenn Pray keypti Cord, en af framleiðslu varð ekki. Merkið var þó áfram í eigu hans, en hann féll frá árið 2011. Nú eru það afkomendur hans sem ætla að selja bílamerkið.

Það sem afkomendur Glenn Pray hafa nú til sölu er tvíþætt, það er merki Cord og framleiðslurétt til bíla merkta Cord og hinsvegar leyfi til framleiðslu leikfangabíla og líkana af fyrri gerðum Cord bíla.