Þakið ætlaði að rifna af Listasafni Reykjavíkur í gær þegar austurríska rafsveitin Klangkarussell tróð upp um miðnætti.
Stemningin var mögnuð eins og sést á meðfylgjandi myndbandi sem Kristinn Svanur Jónsson, deildarfulltrúi kynningar og markaðsmála hjá Listasafni Reykjavíkur tók og leyfði Vísi að birta.
Iceland Airwaves heldur áfram í kvöld og lýkur síðan annað kvöld. Í kvöld eru tónleikar The Knife í Hörpu einn af stærri viðburðum hátíðarinnar en á morgun eru það tónleikar Flaming Lips í Vodafonehöllinni.
