Bílar

Umferðateppur kosta Bandaríkjamenn 15.000 milljarða árlega

Finnur Thorlacius skrifar
Þung umferð á bandarískum þjóðvegi.
Þung umferð á bandarískum þjóðvegi.
Eitt það óskemmtilegasta í lífinu er að vera fastur í umferðarteppu og vita ekki hvenær úr henni leysist. Það er ekki bara slæmt fyrir sálarlífið heldur kostar það bæði fólk og þjóðfélagið ógrynni fjár. Meðalheimili í Bandaríkjunum eyðir aukalega um 1.700 dollurum á hverju ári vegna umferðartafa og í landinu öllu kostuðu þær 15.000 milljarða króna á síðasta ári.

Ekki það að þetta séu ekki slæmar fréttir þá er því spáð að enn muni ástandið versna og að kostnaður hvers heimilis muni hækka um 50% til ársins 2030. Mestar umferðartafir eru í Kaliforníufylki og nemur kostnaðurinn við þær fimmtungi af öll kostnaðinum í landinu. Þar situr meðalmaðurinn 65 klukkutíma á ári fastur í umferðinni og víst er að á meðan skapa íbúar þar ekki mikið virði, heldur versnar skap þeirra aðeins á meðan.

Þegar talað er um kostnað af umferðarteppum er átt við þann viðbótareldsneytiskostnað sem af því hlýst, tapaðar vinnustundir og hækkað vöruverð sem einnig hlýst af teppunum. Auk þessa stafar mikil mengun af slíkum teppum og kostnaðarsamar aðgerðir sem hið opinbera stendur straum af bætast við. Það var stofnunin Centre for Economics and Business Research sem reiknað hefur út þennan kostnað í Bandaríkjunum. 

Mest lesið


Fleiri fréttir

Sjá meira


×

Mest lesið