Tæplega ellefu prósent aukning á heildarafla íslenskra fiskiskipa

Heildarafli íslenskra fiskiskipa var rúmlega 97 þúsund tonn í október 2014, 10,8% meiri en í sama mánuði árið áður en Hagstofa Íslands greinir frá.

Á tólf mánaða tímabili var heildaraflinn u.þ.b. 1.073 þúsund tonn og minnkaði um 21,6% miðað við fyrra tólf mánaða tímabil.

Magnvísitala á föstu verðlagi er um 3,8% lægri miðað við október í fyrra, en á 12 mánaða tímabilinu nóvember 2013 til október 2014 hefur orðið lækkun á magnvísitölunni um 9,6% miðað við sama tímabil ári fyrr.