Horfur í lánshæfismati Orkuveitunnar jákvæðar

Lánshæfisfyrirtækið Moody‘s hefur breytt horfum í mati þess á lánshæfi Orkuveitu Reykjavíkur úr stöðugum í jákvæðar. Orkuveitan er þó enn með lánshæfiseinkunnina B1, en í mati sínu segir Moody‘s að sá árangur sem náðst hefur í að styrkja fjárhagsstöðu fyrirtækisins auki líkur á að lánshæfiseinkunnin verði hækkuð.  

Í tilkynningu frá Orkuveitunni kemur fram að helsti rökstuðningur Moody‘s „fyrir einkunnagjöfinni er staðfesta stjórnenda Orkuveitunnar við framgang Plansins, þar sem öllum markmiðum hafi verið náð og gott betur; tekjur hafi aukist, kostnaður lækkað og sala eigna skilað tilsettum tekjum.“