Sími sími Berglind Pétursdóttir skrifar 24. nóvember 2014 07:00 Líf mitt fer að mestu leyti fram á internetinu. Ég er á internetinu allan daginn að vinna og fræðast, grínast, skoða, njósna, hlæja og ranghvolfa augunum. Þegar það er hægt að gera eitthvað á netinu sem er líka hægt að gera í raunheimum, þá gerir maður það á netinu. Panta pítsu, bóka tíma, kaupa hluti, tala við þjónustufulltrúa og svo framvegis. Helst á netinu í símanum svo maður geti verið að horfa á þátt í tölvunni á meðan og haft leikinn í gangi í sjónvarpinu. Og krakkarnir slaka á í iPadinum. Kínversku netfíklarnir sem RÚV sýndi heimildarmynd um í liðinni viku eiga ekki séns í mig. Ég hef þó átt einn griðastað þangað sem angar internetsins teygja sig bara ekki og ég get notið hins ævaforna og gamaldags símafrelsis. Þar sem ég get verið frjáls og næstum allsber. Sund. Heimsmynd mín hrundi því um daginn þegar bera fór á selfies af sundlaugarbökkum hér í borg á internetinu mínu. Ég skil einfaldlega ekki hvernig fólk getur tekið símann með sér í sund eða blá lón. Eruð þið með aðra höndina uppúr allan tímann? Leggiði símann frá ykkur? Á bakkann? Það er líka blautt þar nefnilega. Hvar er síminn á meðan þið eruð í sturtu? Hvernig farið þið að þessu? OG TIL HVERS? Ég vann yfirvinnu öll kvöld í heilan mánuð til að geta keypt mér símann minn og ég tek einfaldlega ekki sénsinn á að hann endi líf sitt í húðflögugröf í heitapotti. Ég þurrka heldur ekki á mér hárið með hárblásara meðan einhver er í baði við hliðina á mér. Þetta eru bara prinsipp. Og fólk sem tekur símann með sér á klósettið? Óttist þið ekki hið augljósa? Ég heimsótti skemmtistaðasalerni nýlega og eini lausi básinn var með drukknaðan Samsung Galaxy ofan í klósettvatninu. Eigandinn var horfinn að dansa vonleysið af sér. Ég hafði ekki taugar í að pissa á hann. Það gæti verið kveikt á myndavélinni. Viltu birta grein á Vísi? Sendu okkur póst. Senda grein Berglind Pétursdóttir Mest lesið Leikjanámskeið fyrir fullorðna við Austurvöll Þórður Snær Júlíusson Skoðun Kaldar kveðjur frá Íslandi - á meðan Hörmungarnar halda áfram Hjálmtýr Heiðdal,Yousef Ingi Tamimi,Magnús Magnússon Skoðun Að mása sig hása til að tefja Ása Berglind Hjálmarsdóttir Skoðun Skýr og lausnamiðuð afstaða Framsóknar til veiðigjalda Ingibjörg Isaksen Skoðun Sparnaðarráð fyrir ferðalagið Svandís Edda Jónudóttir Skoðun Sál hvers samfélags birtist skýrast í því hvernig það annast börnin sín Diljá Ámundadóttir Zoëga Skoðun Samráðsdagar á Kjalarnesi Ævar Harðarson Skoðun Að mása eða fara í golf Jón Pétur Zimsen Skoðun Um styttingu vinnuvikunnar í leikskólum Reykjavíkurborgar, ákall um leiðréttingu Anna Margrét Ólafsdóttir,Hafdís Svansdóttir,Jónína Einarsdóttir Skoðun Leiðréttum kerfisbundið misrétti Jónína Brynjólfsdóttir Skoðun
Líf mitt fer að mestu leyti fram á internetinu. Ég er á internetinu allan daginn að vinna og fræðast, grínast, skoða, njósna, hlæja og ranghvolfa augunum. Þegar það er hægt að gera eitthvað á netinu sem er líka hægt að gera í raunheimum, þá gerir maður það á netinu. Panta pítsu, bóka tíma, kaupa hluti, tala við þjónustufulltrúa og svo framvegis. Helst á netinu í símanum svo maður geti verið að horfa á þátt í tölvunni á meðan og haft leikinn í gangi í sjónvarpinu. Og krakkarnir slaka á í iPadinum. Kínversku netfíklarnir sem RÚV sýndi heimildarmynd um í liðinni viku eiga ekki séns í mig. Ég hef þó átt einn griðastað þangað sem angar internetsins teygja sig bara ekki og ég get notið hins ævaforna og gamaldags símafrelsis. Þar sem ég get verið frjáls og næstum allsber. Sund. Heimsmynd mín hrundi því um daginn þegar bera fór á selfies af sundlaugarbökkum hér í borg á internetinu mínu. Ég skil einfaldlega ekki hvernig fólk getur tekið símann með sér í sund eða blá lón. Eruð þið með aðra höndina uppúr allan tímann? Leggiði símann frá ykkur? Á bakkann? Það er líka blautt þar nefnilega. Hvar er síminn á meðan þið eruð í sturtu? Hvernig farið þið að þessu? OG TIL HVERS? Ég vann yfirvinnu öll kvöld í heilan mánuð til að geta keypt mér símann minn og ég tek einfaldlega ekki sénsinn á að hann endi líf sitt í húðflögugröf í heitapotti. Ég þurrka heldur ekki á mér hárið með hárblásara meðan einhver er í baði við hliðina á mér. Þetta eru bara prinsipp. Og fólk sem tekur símann með sér á klósettið? Óttist þið ekki hið augljósa? Ég heimsótti skemmtistaðasalerni nýlega og eini lausi básinn var með drukknaðan Samsung Galaxy ofan í klósettvatninu. Eigandinn var horfinn að dansa vonleysið af sér. Ég hafði ekki taugar í að pissa á hann. Það gæti verið kveikt á myndavélinni.
Kaldar kveðjur frá Íslandi - á meðan Hörmungarnar halda áfram Hjálmtýr Heiðdal,Yousef Ingi Tamimi,Magnús Magnússon Skoðun
Sál hvers samfélags birtist skýrast í því hvernig það annast börnin sín Diljá Ámundadóttir Zoëga Skoðun
Um styttingu vinnuvikunnar í leikskólum Reykjavíkurborgar, ákall um leiðréttingu Anna Margrét Ólafsdóttir,Hafdís Svansdóttir,Jónína Einarsdóttir Skoðun
Kaldar kveðjur frá Íslandi - á meðan Hörmungarnar halda áfram Hjálmtýr Heiðdal,Yousef Ingi Tamimi,Magnús Magnússon Skoðun
Sál hvers samfélags birtist skýrast í því hvernig það annast börnin sín Diljá Ámundadóttir Zoëga Skoðun
Um styttingu vinnuvikunnar í leikskólum Reykjavíkurborgar, ákall um leiðréttingu Anna Margrét Ólafsdóttir,Hafdís Svansdóttir,Jónína Einarsdóttir Skoðun