Bílar

Bílaframleiðendur innkölluðu 60 milljónir bíla í fyrra

Finnur Thorlacius skrifar
Miklar innkallanir voru vegna gallaðra öryggispúða frá framleiðandanum Takata í Japan.
Miklar innkallanir voru vegna gallaðra öryggispúða frá framleiðandanum Takata í Japan.
Aldrei fyrr hafa bílaframleiðendur innkallað eins marga bíla á einu ári vegna galla eins og í fyrra. Alls nema innkallanir 60,5 milljónum bíla. Fyrra met var 30,8 milljónir bíla árið 2004.

Fáir búast við því að þetta met í fyrra verði slegið í bráð. Afar víðtækir gallar í ræsibúnaði bíla frá General Motors og gallaðir öryggispúðar sem japanski framleiðandinn Takata seldi fjölmörgum bílaframleiðendum eiga stóran þátt í þessu metári innkallana.

Sífellt harðari sektir sem lagðar hafa verið á bílframleiðendur sem bíða með að innkalla gallaða bíla sína hefur að auki haft þessi áhrif og tók hver framleiðandinn af öðrum þá ákvörðun í fyrra að innkalla bíla sína áður en að sektum eða slysum kæmi. 

Mest lesið




×

Mest lesið