Nissan Leaf besti smábíllinn að mati IHS

Alþjóðlega greiningarfyrirtækið IHS í Bandaríkjunum útnefndi Nissan Leaf besta smábílinn 2014 í árlegri skýrslu um tryggð bíleigenda við framleiðendur og bílgerðir. Skýrslan nefnist Polk Automotive Loyalty Awards er sú eina sinnar tegundar í boði fyrir alþjóðlegan bílaiðnað.

Greint var frá niðurstöðum útnefninga IHS í fjölmörgum flokkum á alþjóðlegu bílasýningunni í Detrait, en athygli vakti að Nissan Leaf var jafnframt eini rafmagnsbíllinn sem tilnefndur var af hálfu IHS.

Nissan Leaf hefur átt mikilli velgengni að fagna á öllum helstu mörkuðum heims síðan hann fór í fjöldaframleiðslu og sölu um allan heim. Í Bandaríkjunum seldust á síðasta ári 30.200 bílar og er Nissan Leaf fyrsti rafmagnsbíllinn á Bandaríkjamarkaði sem selst hefur í meira en 30 þúsundum eintaka á einu ári.