Vilhjálmur telur kjarasamning Norðuráls marka tímamót

Starfsmenn Norðuráls fá 300 þúsund króna eingreiðslu samkvæmt nýjum kjarasamningi við Norðurál. Samningurinn var undirritaður í gær og gildir til fimm ára.

Vilhjálmur Birgisson, formaður Verkalýðsfélagi Akraness segir í samtali við Skessuhornið að um tímamótasamning sé að ræða varðandi kaup og kjör verka- og iðnaðarmanna á Íslandi en samningurinn verður bundinn við launavísitölu.

Þá telur Vilhjálmur einnig ánægjuleg að venjulegur vaktmaður hjá Norðuráli fái um 580.000 krónur í heildarlaun á mánuði.

Byrjað verður að kynna samninginn á morgun en kynningin á að standa í viku. Í kjölfarið verður kosið um samninginn.