Verðbólgan færist nær markmiðinu

Allir helstu greinendur á markaði spá því að verðbólga í mars fari yfir neðri þolmörk Seðlabanka Íslands og nær markmiðinu. Neðri þolmörkin eru 1 prósent en verðbólgumarkmiðið er 2,5 prósent. 

Capacent spáir því að hækkun neysluverðsvísitölunnar í febrúar nemi 0,6 prósent og tólf mánaða verðbólga í mars fari því úr 0,8 prósent í 1,2 prósent. Greiningadeild Arion spáir einnig 1,2 prósent ársverðbólgu. Hagfræðideild Landsbankans spáir því að ársverðbólgan fari úr 0,8 prósent í 1,3 prósent og Greining Íslandsbanka spáir að hún fari í 1,4 prósent.

Capacent segir að ráðandi þættir í hækkun vísitölu neysluverðs séu hækkanir í kjölfar útsöluloka, hækkun fasteignaverðs  og hækkun flutningskostnaðar vegna eldsneytisverðshækkunar.