Þrjú tilnefnd til Íslensku þekkingarverðlaunanna 2015

ORF Líftækni, Carbon Recycling International (CRI) og Kerecis hafa verið tilnefnd til Íslensku þekkingarverðlaunanna sem afhent verða á Íslenska þekkingardeginum 20. mars. Yfirskrift verðlaunanna er: verðmætasköpun með óhefðbundinni nýtingu auðlinda. Við valið var haft til hliðsjónar hvernig fyrirtækin hafa í krafti nýsköpunar fundið og þróað leiðir til að bæta nýtingu á auðlindum landsins með því að búa til nýjar afurðir úr verðlitlum efnivið sem að fellur til við hefðbundna nýtingu.

Það voru félagsmenn FVH og dómnefnd sem völdu fyrirtækin þrjú en dómnefndin er skipuð valinkunnum sérfræðingum úr íslensku viðskiptalífi.

Verðlaunin verða afhent á Grand hótel á Íslenska þekkingardeginum 20.mars. Dagurinn samanstendur af ráðsetefnu og samkomu milli klukkan 14-17 þar sem áhersla verður lögð á nýsköpun í auðlindanýtingu. Þá verða jafnframt veitt verðlaun til þess viðskiptafræðings eða hagfræðings sem þykir hfa skarað fram úr á liðnu ári. Verndari dagsins er Ólafur Ragnar Grímsson, forseti Íslands, og mun hann afhenda verðlaunin.

ORF líftækni var til umfjöllunar á Stöð 2 á dögunum en myndskeiðið má sjá í spilaranum hér fyrir neðan.