Icelandair greiðir 2,5 milljarða í arð

Samþykkt var á aðalfundi Icelandair í dag að greiða hluthöfum 2,5 milljarða í arð eða sem nemur 0,5 krónum á hlut.

Á fundinum voru eftirfarandi aðilar sjálfkjörnir í stjórn Icelandair: Ásthildur Margrét Otharsdóttir, Katrín Olga Jóhannesdóttir, Magnús Magnússon, Sigurður Helgason og Úlfar Steindórsson.

Einnig var samþykkt að greiða óbreytt kjör fyrir nefndarsetu hjá Icelandair en þau eru eftirfarandi: Stjórnarmenn fá 275.000 krónur á mánuði, formaður fær 550.000 krónur á mánuði, varaformaður fær 412.500 krónur á mánuði, nefndarmenn í undirnefndum fá 100.000 krónur á mánuði, formaður endurskoðunarnefndar fær 225.000 krónur á mánuði og formaður starfskjaranefndar 125.000 krónur á mánuði.