Verðmöt yfir útboðsverði Eikar

Þrjú af fjórum verðmötum sem Greiningardeild Íslandsbanka hefur gert á markaðsvirði fasteignafélagsins Eikar eru yfir því verðbili sem minni fjárfestum býðst í fasteignafélagið Eik. Íslandsbanki hélt í morgun fund um útboð Eikar og skráningu í Kauphöll Íslands sem sjá má í spilaranum hér að neðan.

Arion banki mun bjóða út 14,2 prósent alls hlutafjár í Eik 17.-20. apríl. Greiningardeildin vann fjögur verðmöt á hlutafé í bankanum. Miðað við þrjú þeirra var virði Eikar á bilinu 7,5 krónur til 8,1 króna á hlut. Hins vegar nam virði Eikar út frá bókfærðri stöðu eiginfjár að teknu tilliti til skatta 6,6 krónur á hlut.

Í svokölluðum A-hluta útboðsins mun minni fjárfestar geta boðið 100 þúsund krónur á hlut á genginu 6,25 til 6,95 krónur en í B-hlutanum er hægt að bjóða yfir 10 milljónir lámarksgenginu 6,25 krónur á hlut en ekkert hámarksgengi.

Miðað við þessa útreikninga gæti orðið talsverð umframeftirspurn eftir hlutafé í Eik en nær fimmföld umframeftirspurn var eftir hlutafé í Reitum þegar félagið var skráð á markað fyrr í þessum mánuði.

Útboð Eikar from Íslandsbanki on Vimeo.