Forstjóri og rekstrarstjóri ráðnir fyrir kísilverksmiðju

Helgi Þórhallsson hefur verið ráðinn forstjóri United Silicon hf. og Þórður Magnússon hefur verið ráðii sem rekstrarstjóri. Þeir voru ráðnir fyrir kísilverksmiðju félagsins í Helguvík. Magnús Garðarsson, fráfarandi framkvæmdastjóri og stærsti hluthafi í United Silicon hf., segir félagið vera afar lánsamt að hafa tryggt sér starfskrafta þessara reynslumiklu manna úr kísiliðnaðinum.

„Hjá United Silicon hf. er nú saman komin meira en 150 ára reynsla í kísilframleiðslu  og stjórn félagsins og hluthafar horfa bjartsýnir fram á veginn,” segir Magnús í tilkynningu.

Helgi er efnaverkfræðingur frá Norwegian Technical University í Þrándheimi, í Noregi og hóf fljótlega að námi loknu störf hjá Elkem. Helgi gegndi stöðu framkvæmdastjóra kísilverksmiðjunnar Bjölvefossen í Noregi árin 1994-1999, en á starfsferli sínum hefur hann komið að fjölmörgum kísilverkefnum allan heim m.a. í Kína og Indónesíu fyrir utan Noreg og Ísland. Samtals á Helgi að baki 35 ára starfsreynslu í kísiliðnaðinum.

Þórður er Dr. Ing, Material Science frá Norwegian University of Science and Technology. Hann gegndi áður stöðu framleiðslustjóra í járnblendiverksmiðju Elkem á Grundartanga og á að baki 13 ára starfsreynslu hjá félaginu. Helgi Björn er einn af frumkvöðlum verkefnisins United Silicon hf. og gegnir stöðu yfirverkfræðings hjá félaginu.

Auk þeirra hefur fyritækið ráðið til tímabundinna starfa þá Friedhelm Bramsiepe, fyrrverandi forstjóra RW Silicium í Þýskalandi, Roberto Carlesso, fyrrverandi framleiðslustjóra FerroAtlantica í Frakklandi, og Steven Pragnell, fyrrverandi framleiðslustjóra Simcoa í Ástralíu.