Vaxtarþáttur frá ORF fer á Bandaríkjamarkað

ORF Líftækni getur nú hafið sölu á próteininu mLIF (mouse Leukemia Inhibitory Factor) til rannsóknarstofa í Bandaríkjunum. Einkaleyfi á sölu þess rennur út í dag.

ISOkine vörulínan, sem mLIF er hluti af, hlaut fyrstu verðlaun á ráðstefnu Evrópsku Líftæknisamtakanna (European Biotechnology Congress) árið 2013. mLIF er sérvirkur vaxtarþáttur sem er notaður af nánast öllum þeim sem vinna við stofnfrumurannsóknir á alþjóðavettvangi, þar sem stofnfrumur úr músum eru notaðar.

Bandaríska líftæknifyrirtækið Millipore hefur verið með einkaleyfi á mLIF á Bandaríkjamarkaði í meira en áratug og því hafa bandarískir vísindamenn ekki haft greiðan aðgang að vaxtarþættinum frá öðrum framleiðendum.