Vígaleg vegglistaverk spretta upp um borgina Gyða Lóa Ólafsdóttir skrifar 30. september 2015 09:00 Hér má sjá verk eftir vegglistamanninn Tankpetrol með vísun í hljómsveitina Gusgus. Mynd/NikaKramer Iceland Airwaves-hátíðin nálgast nú óðfluga og vinna listamenn frá samtökunum Urban Nation Berlin nú hörðum höndum að því að koma upp vegglistaverkum sem prýða munu veggi í miðbænum. Verkin eru samstarfsverkefni tónlistarhátíðarinnar og samtakanna og bera yfirskriftina Wall Poetry 2015. Samtökin vinna með „street“-listamönnum um allan heim og munu þau árið 2017 opna fyrsta „urban-art“ safnið í heiminum. Safnið, sem verður til húsa í Berlín, verður á sex hæðum og þar verða vinnustofur tónlistar- og listamanna, sýningarrými auk íbúða fyrir listamenn. Framkvæmdastjóri samtakanna, Yasha Young, gaf sig á tal við stjórnendur Iceland Airwaves í fyrra og lagði verkefnið til. „Hún kom á Airwaves í fyrra, bað um fund með mér og við töluðum saman. Hún lagði þetta verkefni fyrir og ég hélt að hún væri bara dálítið brjáluð,“ segir Grímur Atlason, framkvæmdastjóri Iceland Airwaves, og hlær.Verk eftir DEIH XLF á Vesturgötu upp úr laginu Waterfalls með hljómsveitinni Vök.Mynd/NikaKramerFljótlega kom í ljós að talsvert væri varið í verkefnið og hefur undirbúningur fyrir vegglistaverkin staðið yfir í um ár og mun menningarmálastjóri Berlínar meðal annars koma hingað til lands í tengslum við verkefnið og hitta borgaryfirvöld. Markmið verkefnisins er að sameina listform og listamenn víðsvegar að úr heiminum og notuðu vegglistamennirnir orð, ljóð eða texta frá tónlistarmönnum sem koma fram á hátíðinni sem innblástur fyrir verk sín. Verkin eru meðal annars á Gamla bíói og Sjávarútvegshúsinu á Skúlagötu. „Það sem er líka skemmtilegt og athyglisvert við þetta er hvað við áttum auðvelt með að fá samþykki frá stöðum eins og atvinnuvega- og nýsköpunarráðuneytinu á Skúlagötu. Það var bara lítið mál og allir tóku okkur rosalega vel. Einu vandræðin voru sá veggur sem við héldum að við myndum eiga í minnstum vandræðum með, á Listaháskólanum á Sölvhólsgötu,“ segir Grímur og bætir við að það hafi vakið undrun aðstandenda verkefnisins enda um þekkta vegglistamenn að ræða og lítið mál að mála einfaldlega yfir verkin eftir að tónlistarhátíðinni lýkur.Listamaðurinn Ernest Zacharevic að mála á Hverfisgötu.Mynd/NikaKramerVegglistamennirnir hafa sjö til fjórtán daga til þess að ljúka við verkin og hófst vinnan um miðja síðustu viku og eru mörg verkanna farin að taka á sig ansi sterka mynd og því tilvalið að taka góðan göngutúr um miðborgina og berja listina augum. „Það sem maður á náttúrulega að gera er að ná í þessa tónlist, búa til play-lista og hlusta á tónlistina á meðan maður horfir á verkið. Þetta er ágætis göngutúr, aðeins út á Granda en ekki mikið lengra en það. Tilvalinn sunnudagslabbitúr með tíu laga play-lista,“ segir Grímur glaður í bragði. Iceland Airwaves-hátíðin er nú haldin í 17. sinn og segir Grímur aðstandendur að vonum spennta fyrir herlegheitunum en hátíðin hefst þann 4. nóvember næstkomandi. Mánuður er síðan dagskránni var lokað og segir hann undirbúning þegar hafinn fyrir næstu hátíð.Nánari dagskrá má kynna sér á Icelandairwaves.is. Airwaves Mest lesið Lauk krefjandi háskólanámi og barðist við lífshættuleg veikindi á sama tíma Lífið Skotin flakka milli Enoks og Birgittu: „Settu franskarnar í pokann“ Lífið Reisa styttu af Birni í Kópavogi Lífið Drake kom fram á tónleikum í 66°Norður Lífið Krakkatían: Mona Lisa, VÆB og Þjóðhátíð Lífið Ósérhlífinn starfsmaður bjargaði ómvölum frá endurvinnslu Lífið Segja Freddie Mercury eiga laundóttur Lífið Sinnir sjúklingum í sama herbergi og hún fékk greiningu Lífið Gellur fjölmenntu í sumarpartý Ingu Lindar Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Fleiri fréttir Drake kom fram á tónleikum í 66°Norður Reisa styttu af Birni í Kópavogi Lauk krefjandi háskólanámi og barðist við lífshættuleg veikindi á sama tíma Krakkatían: Mona Lisa, VÆB og Þjóðhátíð Segja Freddie Mercury eiga laundóttur Skotin flakka milli Enoks og Birgittu: „Settu franskarnar í pokann“ Sinnir sjúklingum í sama herbergi og hún fékk greiningu Fréttatía vikunnar: Evrópudeildin, kappakstur og sólmyrkvi Billy Joel greindist með heilasjúkdóm Gimbur borin með svart hjarta á bakinu Eva Laufey og Haraldur selja húsið á Skaganum Gellur fjölmenntu í sumarpartý Ingu Lindar Nadía og Arnar selja fallegt hús í Hafnarfirði „Hæ allir saman, kjósið New Day Will Rise“ „Erum við að reyna fá fólk til þess að vera svikara“ Á spítala eftir samfarir við 583 menn Hjálmar með upplyftandi morgunkveðju Níu ára toppaði Hvannadalshnjúk og renndi sér niður Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Sjá meira
Iceland Airwaves-hátíðin nálgast nú óðfluga og vinna listamenn frá samtökunum Urban Nation Berlin nú hörðum höndum að því að koma upp vegglistaverkum sem prýða munu veggi í miðbænum. Verkin eru samstarfsverkefni tónlistarhátíðarinnar og samtakanna og bera yfirskriftina Wall Poetry 2015. Samtökin vinna með „street“-listamönnum um allan heim og munu þau árið 2017 opna fyrsta „urban-art“ safnið í heiminum. Safnið, sem verður til húsa í Berlín, verður á sex hæðum og þar verða vinnustofur tónlistar- og listamanna, sýningarrými auk íbúða fyrir listamenn. Framkvæmdastjóri samtakanna, Yasha Young, gaf sig á tal við stjórnendur Iceland Airwaves í fyrra og lagði verkefnið til. „Hún kom á Airwaves í fyrra, bað um fund með mér og við töluðum saman. Hún lagði þetta verkefni fyrir og ég hélt að hún væri bara dálítið brjáluð,“ segir Grímur Atlason, framkvæmdastjóri Iceland Airwaves, og hlær.Verk eftir DEIH XLF á Vesturgötu upp úr laginu Waterfalls með hljómsveitinni Vök.Mynd/NikaKramerFljótlega kom í ljós að talsvert væri varið í verkefnið og hefur undirbúningur fyrir vegglistaverkin staðið yfir í um ár og mun menningarmálastjóri Berlínar meðal annars koma hingað til lands í tengslum við verkefnið og hitta borgaryfirvöld. Markmið verkefnisins er að sameina listform og listamenn víðsvegar að úr heiminum og notuðu vegglistamennirnir orð, ljóð eða texta frá tónlistarmönnum sem koma fram á hátíðinni sem innblástur fyrir verk sín. Verkin eru meðal annars á Gamla bíói og Sjávarútvegshúsinu á Skúlagötu. „Það sem er líka skemmtilegt og athyglisvert við þetta er hvað við áttum auðvelt með að fá samþykki frá stöðum eins og atvinnuvega- og nýsköpunarráðuneytinu á Skúlagötu. Það var bara lítið mál og allir tóku okkur rosalega vel. Einu vandræðin voru sá veggur sem við héldum að við myndum eiga í minnstum vandræðum með, á Listaháskólanum á Sölvhólsgötu,“ segir Grímur og bætir við að það hafi vakið undrun aðstandenda verkefnisins enda um þekkta vegglistamenn að ræða og lítið mál að mála einfaldlega yfir verkin eftir að tónlistarhátíðinni lýkur.Listamaðurinn Ernest Zacharevic að mála á Hverfisgötu.Mynd/NikaKramerVegglistamennirnir hafa sjö til fjórtán daga til þess að ljúka við verkin og hófst vinnan um miðja síðustu viku og eru mörg verkanna farin að taka á sig ansi sterka mynd og því tilvalið að taka góðan göngutúr um miðborgina og berja listina augum. „Það sem maður á náttúrulega að gera er að ná í þessa tónlist, búa til play-lista og hlusta á tónlistina á meðan maður horfir á verkið. Þetta er ágætis göngutúr, aðeins út á Granda en ekki mikið lengra en það. Tilvalinn sunnudagslabbitúr með tíu laga play-lista,“ segir Grímur glaður í bragði. Iceland Airwaves-hátíðin er nú haldin í 17. sinn og segir Grímur aðstandendur að vonum spennta fyrir herlegheitunum en hátíðin hefst þann 4. nóvember næstkomandi. Mánuður er síðan dagskránni var lokað og segir hann undirbúning þegar hafinn fyrir næstu hátíð.Nánari dagskrá má kynna sér á Icelandairwaves.is.
Airwaves Mest lesið Lauk krefjandi háskólanámi og barðist við lífshættuleg veikindi á sama tíma Lífið Skotin flakka milli Enoks og Birgittu: „Settu franskarnar í pokann“ Lífið Reisa styttu af Birni í Kópavogi Lífið Drake kom fram á tónleikum í 66°Norður Lífið Krakkatían: Mona Lisa, VÆB og Þjóðhátíð Lífið Ósérhlífinn starfsmaður bjargaði ómvölum frá endurvinnslu Lífið Segja Freddie Mercury eiga laundóttur Lífið Sinnir sjúklingum í sama herbergi og hún fékk greiningu Lífið Gellur fjölmenntu í sumarpartý Ingu Lindar Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Fleiri fréttir Drake kom fram á tónleikum í 66°Norður Reisa styttu af Birni í Kópavogi Lauk krefjandi háskólanámi og barðist við lífshættuleg veikindi á sama tíma Krakkatían: Mona Lisa, VÆB og Þjóðhátíð Segja Freddie Mercury eiga laundóttur Skotin flakka milli Enoks og Birgittu: „Settu franskarnar í pokann“ Sinnir sjúklingum í sama herbergi og hún fékk greiningu Fréttatía vikunnar: Evrópudeildin, kappakstur og sólmyrkvi Billy Joel greindist með heilasjúkdóm Gimbur borin með svart hjarta á bakinu Eva Laufey og Haraldur selja húsið á Skaganum Gellur fjölmenntu í sumarpartý Ingu Lindar Nadía og Arnar selja fallegt hús í Hafnarfirði „Hæ allir saman, kjósið New Day Will Rise“ „Erum við að reyna fá fólk til þess að vera svikara“ Á spítala eftir samfarir við 583 menn Hjálmar með upplyftandi morgunkveðju Níu ára toppaði Hvannadalshnjúk og renndi sér niður Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Sjá meira