Þrír nýir starfsmenn til Svar

Nýlega hafa þrír liðsmenn bæst við teymi upplýsingatæknifyrirtækisins Svar sem nýverið fékk dreifingarrétt á Aruba netlausnum sem er leiðandi fyrirtæki á heimsvísu í þráðlausum netkerfum.

Óskar Tómasson er nýr sölustjóri símkerfalausna hjá Svar. Óskar hefur mikla reynslu af markaðs- og sölustjórnun, meðal annars sem framkvæmdastjóri hjá Bang & Olufsen á Íslandi. Óskar kemur til með að leggja áherslu á símkerfalausnir Svar.

Ingi Björn Ágústsson, ráðgjafi í net- og skýlausnum. Ingi mun einbeita sér að Aruba lausnum og netlausnum almennt sem og Microsoft skýjalausnum. Ingi Björn kemur frá Nýherja og hefur yfir 10 ára reynslu í upplýsingatækni.

Björgvin Jónsson er nýr rekstrarstjóri þjónustusviðs Svar. Hans megin svið verður rekstur deildarinnar, verkefnastýring og innleiðing á stærri verkefnum. Björgvin var áður hjá Sensa þar sem hann starfaði sem lausnamiðaður sérfræðingur í Cisco umhverfi.