Þessu máttu ekki missa af úr fatalínu Balmain fyrir H&M

Ritstjórn skrifar 20. október 2015 14:00

Það er óhætt að segja að fatalína Balmain tískuhússins fyrir sænska verslunarisann Hennes & Mauritz sé beðið með eftirvæntingu enda er það mál manna að línan sé einstaklega vel heppnuð.

Verðbilið á línunni er hærra en gengur og gerist í H&M en þar er að finna fatnað sem fer yfir 60 þúsund króna verðmiðann.

Í kvöld ætlar yfirhönnuður Balmain, Olivier Rousteing og H&M að halda opnunarpartý línunnar og að því tilefni ákvað Glamour að velja sitt uppáhalds úr línunni.

Já, það var erfitt að velja en þetta er það sem við teljum að aðdáendur tískuhússins mega ekki láta framhjá sér fara þann 5.nóvember næstkomandi þegar línan kemur í búðir.