Sigmundur Davíð og heita kartaflan Sigurjón M. Egilsson skrifar 28. janúar 2015 07:00 Víglundur Þorsteinsson henti heitri kartöflu á loft. Án hiks greip Sigmundur Davíð Gunnlaugsson kartöfluna og heldur enn á henni. Samflokksfólki forsætisráðherrans fannst mikið til koma og hefur lofað hann og prísað allar götur síðan. Ekkert annað pólitískt klapp heyrist. Sigmundur Davíð virðist einn með heitu kartöfluna og engan annan virðist langa til að halda á kartöflunni. Sigmundi Davíð er eflaust brugðið. Engar undirtektir koma frá stjórnmálunum. Lengi var beðið viðbragða Bjarna Benediktssonar, fjármálaráðherra og oddvita hins stjórnarflokksins, hvort hann myndi grípa hina heitu kartöflu, létta undir með Sigmundi. Það gerðist ekki. Þvert á móti. Bjarni efast um að lög hafi verið brotin og þá um leið að Steingrímur J. Sigfússon hafi gengið í lið með fjöndum Íslands í þeim tilgangi að hafa hundruð milljarða af okkur mörlöndunum. Bjarni sem aðrir segir það ómaksins virði að kanna málið ögn betur. Brynjar Níelsson hefur þann starfa í eftirlitsnefnd Alþingis að setja sig inn í málið, að kanna ásakanir Víglundar og hvort þær séu þess eðlis að sérstaka rannsókn þurfi til. Allt tekur þetta tíma. Á meðan er forsætisráðherrann með heitu kartöfluna og verður um stund þar sem enginn þess verður vill taka við henni, hvorki í skamma stund né til frambúðar. Sigmundur Davíð má illa við þessu. Hafi hann verið of fljótur til, sagt of mikið eða ætlað forverum sínum í ríkisstjórn eitthvað sem stenst ekki er nokkuð víst að hann mun brenna sig á kartöflunni heitu. Framsóknarflokkurinn á nokkuð bágt um þessar mundir. Flokkurinn sem vann fínan kosningasigur snemmsumars 2013 tapar nú stöðugt frá sér fylgi. Þó að framsóknarmenn hafi heitið því að láta skoðanakannanir engin áhrif hafa á sig er lífsins ómögulegt að þær geri það ekki. Miðað við uppleggið ætti fylgi flokksins að vera í hámarki um þessar mundir. Loforðið mikla skóp stóra kosningasigurinn. Nú segjast framsóknarmenn hafa uppfyllt það að fullu. Á þeim tímamótum gerist það að fylgi flokksins minnkar enn, er undir tíu prósentum. Sigmundur Davíð gerir hvað hann getur til að öðlast traust og trúnað þjóðarinnar. Ef staðan er viðkvæm er mikilsvert að vanda til verka. Hlaupa ekki á sig. Hvort Sigmundur Davíð gerði það þegar hann greip heitu kartöfluna Víglundar á lofti á eftir að koma í ljós. Biðin getur orðið löng og erfið. Það er grínlaust að halda sjóðandi heitri kartöflu á lofti í langan tíma. Án þess að brenna sig. Fjöregg Framsóknarflokksins, sem verður 99 ára á þessu ári, er í höndum fleiri en formannsins. Það er líka í höndum borgarfulltrúanna sem hafa hlaupið á sig. Eins hefur annað áhrifafólk innan flokksins á stundum þvælst fyrir uppbyggingu ímyndarinnar. Því verr sem öðrum tekst upp mæðir meira á Sigmundi Davíð Gunnlaugssyni. Hann einn ákvað að grípa heitu kartöfluna og nú er að bíða og sjá hvort það var rétt hjá honum eða ekki. Fyrir Framsóknarflokkinn skiptir það miklu máli. Viltu birta grein á Vísi? Sendu okkur póst. Senda grein Sigurjón M. Egilsson Mest lesið Halldór 5.10.2024 Jón Þór Stefánsson Halldór Spilling á Íslandi: Erum við að missa tökin? Ágústa Árnadóttir Skoðun Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun Eignafólk græðir mikið á vaxtastefnu Seðlabankans Stefán Ólafsson Skoðun Sleppum brúnni og förum betri leið framhjá Selfossi Elliði Vignisson Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun Að dansa í regninu Lóa Björk Ólafsdóttir Skoðun Háskóli Íslands er ekki að sinna skyldum sínum Silja Höllu Egilsdóttir Skoðun Einstakur atburður og viðbúnaður Marinó G. Njálsson Skoðun Foreldrar eru sérfræðingar í sínum börnum Valdimar Víðisson Skoðun
Víglundur Þorsteinsson henti heitri kartöflu á loft. Án hiks greip Sigmundur Davíð Gunnlaugsson kartöfluna og heldur enn á henni. Samflokksfólki forsætisráðherrans fannst mikið til koma og hefur lofað hann og prísað allar götur síðan. Ekkert annað pólitískt klapp heyrist. Sigmundur Davíð virðist einn með heitu kartöfluna og engan annan virðist langa til að halda á kartöflunni. Sigmundi Davíð er eflaust brugðið. Engar undirtektir koma frá stjórnmálunum. Lengi var beðið viðbragða Bjarna Benediktssonar, fjármálaráðherra og oddvita hins stjórnarflokksins, hvort hann myndi grípa hina heitu kartöflu, létta undir með Sigmundi. Það gerðist ekki. Þvert á móti. Bjarni efast um að lög hafi verið brotin og þá um leið að Steingrímur J. Sigfússon hafi gengið í lið með fjöndum Íslands í þeim tilgangi að hafa hundruð milljarða af okkur mörlöndunum. Bjarni sem aðrir segir það ómaksins virði að kanna málið ögn betur. Brynjar Níelsson hefur þann starfa í eftirlitsnefnd Alþingis að setja sig inn í málið, að kanna ásakanir Víglundar og hvort þær séu þess eðlis að sérstaka rannsókn þurfi til. Allt tekur þetta tíma. Á meðan er forsætisráðherrann með heitu kartöfluna og verður um stund þar sem enginn þess verður vill taka við henni, hvorki í skamma stund né til frambúðar. Sigmundur Davíð má illa við þessu. Hafi hann verið of fljótur til, sagt of mikið eða ætlað forverum sínum í ríkisstjórn eitthvað sem stenst ekki er nokkuð víst að hann mun brenna sig á kartöflunni heitu. Framsóknarflokkurinn á nokkuð bágt um þessar mundir. Flokkurinn sem vann fínan kosningasigur snemmsumars 2013 tapar nú stöðugt frá sér fylgi. Þó að framsóknarmenn hafi heitið því að láta skoðanakannanir engin áhrif hafa á sig er lífsins ómögulegt að þær geri það ekki. Miðað við uppleggið ætti fylgi flokksins að vera í hámarki um þessar mundir. Loforðið mikla skóp stóra kosningasigurinn. Nú segjast framsóknarmenn hafa uppfyllt það að fullu. Á þeim tímamótum gerist það að fylgi flokksins minnkar enn, er undir tíu prósentum. Sigmundur Davíð gerir hvað hann getur til að öðlast traust og trúnað þjóðarinnar. Ef staðan er viðkvæm er mikilsvert að vanda til verka. Hlaupa ekki á sig. Hvort Sigmundur Davíð gerði það þegar hann greip heitu kartöfluna Víglundar á lofti á eftir að koma í ljós. Biðin getur orðið löng og erfið. Það er grínlaust að halda sjóðandi heitri kartöflu á lofti í langan tíma. Án þess að brenna sig. Fjöregg Framsóknarflokksins, sem verður 99 ára á þessu ári, er í höndum fleiri en formannsins. Það er líka í höndum borgarfulltrúanna sem hafa hlaupið á sig. Eins hefur annað áhrifafólk innan flokksins á stundum þvælst fyrir uppbyggingu ímyndarinnar. Því verr sem öðrum tekst upp mæðir meira á Sigmundi Davíð Gunnlaugssyni. Hann einn ákvað að grípa heitu kartöfluna og nú er að bíða og sjá hvort það var rétt hjá honum eða ekki. Fyrir Framsóknarflokkinn skiptir það miklu máli.
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun