Heimskulegur hatursáróður Viktoría Hermannsdóttir skrifar 29. apríl 2015 08:30 Það er svo sorglegt hvað það er mikið hatur í gangi í samfélaginu. Það er hreint ótrúlegt að árið 2015 sé í alvörunni verið að rökræða um rétt á hinsegin fræðslu í grunnskólum landsins. Ég satt best að segja hélt við værum komin lengra. Á sama tíma og Gylfi Ægisson, sem einu sinni var þekktur fyrir að vera hress söngvari, berst gegn því að börn séu frædd um samkynhneigð og vill vernda börn fyrir Gleðigöngu hinsegin daga, þá er sjötug kona í Kópavogi að angra afkomendur sína með múslimahatri sínu. Ég las fyrir skemmstu viðtal við konuna þar sem hún sagði múslima vera morðóða brjálæðinga. Gylfi segir börnin skaðast af fræðslu um samkynhneigð og einhverra hluta vegna virðist stór hluti þeirra sem eru á móti þessari fræðslu telja að um verklega kynlífsfræðslu sé að ræða. Gylfi hefur meira segja gengið svo langt að líkja fræðslunni við vítisvist drengja í Breiðuvík á sjötta og sjöunda áratug síðustu aldar. Það gerði hann á Facebook-síðu sinni í gær. Það er ekki bara heimskulegt heldur gerir það hreinlega lítið úr þeim hryllingi sem drengirnir þar þurftu að þola. Í símatíma á Útvarpi Sögu loga svo allar línur og fólk frussar út úr sér misgáfulegum og oft og tíðum hatursfullum ummælum um ákveðna þjóðfélagshópa. Múslima, samkynhneigða og guð má vita hvað. Hvaðan kemur þetta fólk? Og af hverju hagar það sér svona? Og flest er þetta fólk komið yfir miðjan aldur. Allavega heyri ég engan af minni kynslóð eða kynslóðunum í kring spúa út úr sér svona hatursfullum ummælum. Það er eldra fólk, sem okkur er kennt að bera virðingu fyrir, sem heldur úti þessum stanslausa hatursáróðri. Mikið vona ég að ég verði ekki svona þegar ég er komin yfir miðjan aldur. Angrandi afkomendur mína með hatursfullum fullyrðingum um hluti sem ég veit ekkert um. Þetta fólk ætti að læra að skammast sín og reyna að læra af þeim sem yngri eru. Til dæmis umburðarlyndi. Viltu birta grein á Vísi? Sendu okkur póst. Senda grein Viktoría Hermannsdóttir Mest lesið Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun Mótum framtíðina saman Jónína Hauksdóttir ,Magnús Þór Jónsson Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun Halldór 4.10.2025 Halldór Magga Stína! Helga Völundardóttir Skoðun Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun Transumræðan og ruglið um fjölda kynja Einar Steingrímsson Skoðun Kæra Epli, skilur þú mig? Lilja Dögg Jónsdóttir Skoðun Lyftum umræðunni á örlítið hærra plan Jóna Hlíf Halldórsdóttir Skoðun Að búa til aðalsmenn Kolbrún Baldursdóttir Skoðun
Það er svo sorglegt hvað það er mikið hatur í gangi í samfélaginu. Það er hreint ótrúlegt að árið 2015 sé í alvörunni verið að rökræða um rétt á hinsegin fræðslu í grunnskólum landsins. Ég satt best að segja hélt við værum komin lengra. Á sama tíma og Gylfi Ægisson, sem einu sinni var þekktur fyrir að vera hress söngvari, berst gegn því að börn séu frædd um samkynhneigð og vill vernda börn fyrir Gleðigöngu hinsegin daga, þá er sjötug kona í Kópavogi að angra afkomendur sína með múslimahatri sínu. Ég las fyrir skemmstu viðtal við konuna þar sem hún sagði múslima vera morðóða brjálæðinga. Gylfi segir börnin skaðast af fræðslu um samkynhneigð og einhverra hluta vegna virðist stór hluti þeirra sem eru á móti þessari fræðslu telja að um verklega kynlífsfræðslu sé að ræða. Gylfi hefur meira segja gengið svo langt að líkja fræðslunni við vítisvist drengja í Breiðuvík á sjötta og sjöunda áratug síðustu aldar. Það gerði hann á Facebook-síðu sinni í gær. Það er ekki bara heimskulegt heldur gerir það hreinlega lítið úr þeim hryllingi sem drengirnir þar þurftu að þola. Í símatíma á Útvarpi Sögu loga svo allar línur og fólk frussar út úr sér misgáfulegum og oft og tíðum hatursfullum ummælum um ákveðna þjóðfélagshópa. Múslima, samkynhneigða og guð má vita hvað. Hvaðan kemur þetta fólk? Og af hverju hagar það sér svona? Og flest er þetta fólk komið yfir miðjan aldur. Allavega heyri ég engan af minni kynslóð eða kynslóðunum í kring spúa út úr sér svona hatursfullum ummælum. Það er eldra fólk, sem okkur er kennt að bera virðingu fyrir, sem heldur úti þessum stanslausa hatursáróðri. Mikið vona ég að ég verði ekki svona þegar ég er komin yfir miðjan aldur. Angrandi afkomendur mína með hatursfullum fullyrðingum um hluti sem ég veit ekkert um. Þetta fólk ætti að læra að skammast sín og reyna að læra af þeim sem yngri eru. Til dæmis umburðarlyndi.
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun