Erfið en mjúk fyrstu skref Master Chief á Xbox One Kjartan Hreinn Njálsson skrifar 6. janúar 2016 11:00 Spilarinn stjórnar bæði Master Chief og teymi hans í leit að gervigreindinni Cortana og hópi málaliða undir stjórn James Locke sem freistar þess að handsama Master Chief. Frá því að Halo: Combat Evolved kom út fyrir 14 árum hefur Halo-leikjaröðin átt gríðarlegri velgengni að fagna. Velgengni Microsoft í leikjaheiminum var byggð á grunni Halo 2 og Halo 3. Seinni útgáfur hans nutu einnig gríðarlegra vinsælda og höfðu ótvíræð áhrif á þróun fyrstu persónu skotleikja. Þetta eru tæknileg, fagurfræðileg og frásagnarleg áhrif. Leikjafyrirtækið Bungie sá um þróun Halo, allt frá Halo: CE til Halo: Reach, en núna hefur fyrirtækið sagt skilið við Master Chief og söguheim Halo. Microsoft keypti vörumerkið og allt sem því tengist og fól dótturfyrirtæki sínum, 343 Industries, að annast þróun og útgáfu næstu Halo-leikja. Allt undir 343 gaf út Halo 4 en leikurinn var með síðustu leikjum til að vera gefnir út á Xbox 360. Fyrirtækið annaðist jafnframt endurhönnum Halo-leikjanna fyrir Halo: Master Chief Collection fyrir Xbox One. Halo 4 og Halo: MCC fengu sæmilegar viðtökur og þrátt fyrir marvísleg tæknileg mistök virtust flestir gera sér grein fyrir að raunveruleg prófraun 343 yrði útgáfa Halo 5: Guardians á nýrri kynslóð leikjatölva. Það var gríðarlega mikið í húfi fyrir 343 þegar Halo 5 var gefinn út fyrr á þessu ári. Í raun var Halo-söguheimurinn í húfi. Sagan í Halo 5: Guardians er afar flókin og á köflum svo yfirþyrmandi að spilarinn á erfitt með átta sig á hvað er að gerast. 343 vinnur með ríkan söguheim Halo (sem telur 10 leiki og urmul skáldsagna) en í viðleitni sinni til að fara með söguheiminn og söguhetjuna Master Chief í nýja átt festist frásögnin í yfirborðskenndum útskýringum og úrdráttum. Tæknilegt afrek Spilarinn stjórnar bæði Master Chief og teymi hans í leit að gervigreindinni Cortana og hópi málaliða undir stjórn James Locke sem freistar þess að handsama Master Chief. Frásögnin er þannig tvískipt og í grunninn er þetta kærkomin breyting frá fyrri Halo-leikjum. Spilarinn fær því miður aldrei að kynnast persónunum sem skipa teymin tvö. Þrátt fyrir nokkrar vel heppnaðar tilraunir 343 til að fá spilarann til að sýna hluttekningu þá verður saga Halo 5 aldrei hinn dramatíski rússíbani sem fyrirtækið sá fyrir sér. Þrátt fyrir frásagnarleg mistök er Halo 5: Guardians einn flottasti skotleikur sem nokkurn tíma hefur verið gefinn út. Svo glæsilegur er þessi leikur að auðvelt er að fyrirgefa 343 fyrir lítinn metnað í sögunni. Halo 5: Gaurdians keyrir á 60 römmum sekúndu og það gerir hann án undantekninga. Þetta er ótrúlegt afrek. Eftir að hafa spilað Halo 5 í nokkra daga er nánast ómögulegt að grípa í Destiny, Call of Duty eða einhvern annan skotleik án þess að upplifa ósýnilegt lagg og hikst. Auk þess neglir 343 spilunina. Halo-leikirnar hafa alltaf verið afar liprir leikir en Halo 5 er á allt öðrum stað en aðrir skotleikir. Það er hrein unun að hlaupa um vígvöllinn sem Master Chief eða annar Spartverji. Þungi brynklæddra hermannanna er svo greinilega til staðar en um leið upplifir maður hvernig hægt er að nota þennan þunga til að svífa eins og fiðrildi milli óvinanna. Fyrirheit um bjarta framtíð Þessi einstaka tæknilega geta 343 er áberandi á öllum stigum Halo 5. Í sögunni er hún til staðar í einstakri sviðsmynd sem virðist teygja sig út í hið óendanlega og í fjölspiluninni er hana að finna í hrikalegri færslu hreyfiorku þegar spilarinn lemur sig í gegnum hvern óvininn á fætur öðrum. Fjölspilunin í Halo 5 er ein sú besta í allri leikjaröðinni. Sem frumraun 343 Industries á nýrri kynslóð leikjatölva er Halo 5: Guardians fyrst og fremst fyrirheit um það sem koma skal. Og ef fyrirtækinu tekst að sigrast á frásagnarlegum erfiðleikum þá á Halo-leikjaröðin vafalaust eftir að koma sér vel fyrir á Xbox One. Leikjadómar Leikjavísir Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Áslaug Arna fór í meðferð til að vinna bug á köngulóafælni Lífið Fleiri fréttir Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira
Frá því að Halo: Combat Evolved kom út fyrir 14 árum hefur Halo-leikjaröðin átt gríðarlegri velgengni að fagna. Velgengni Microsoft í leikjaheiminum var byggð á grunni Halo 2 og Halo 3. Seinni útgáfur hans nutu einnig gríðarlegra vinsælda og höfðu ótvíræð áhrif á þróun fyrstu persónu skotleikja. Þetta eru tæknileg, fagurfræðileg og frásagnarleg áhrif. Leikjafyrirtækið Bungie sá um þróun Halo, allt frá Halo: CE til Halo: Reach, en núna hefur fyrirtækið sagt skilið við Master Chief og söguheim Halo. Microsoft keypti vörumerkið og allt sem því tengist og fól dótturfyrirtæki sínum, 343 Industries, að annast þróun og útgáfu næstu Halo-leikja. Allt undir 343 gaf út Halo 4 en leikurinn var með síðustu leikjum til að vera gefnir út á Xbox 360. Fyrirtækið annaðist jafnframt endurhönnum Halo-leikjanna fyrir Halo: Master Chief Collection fyrir Xbox One. Halo 4 og Halo: MCC fengu sæmilegar viðtökur og þrátt fyrir marvísleg tæknileg mistök virtust flestir gera sér grein fyrir að raunveruleg prófraun 343 yrði útgáfa Halo 5: Guardians á nýrri kynslóð leikjatölva. Það var gríðarlega mikið í húfi fyrir 343 þegar Halo 5 var gefinn út fyrr á þessu ári. Í raun var Halo-söguheimurinn í húfi. Sagan í Halo 5: Guardians er afar flókin og á köflum svo yfirþyrmandi að spilarinn á erfitt með átta sig á hvað er að gerast. 343 vinnur með ríkan söguheim Halo (sem telur 10 leiki og urmul skáldsagna) en í viðleitni sinni til að fara með söguheiminn og söguhetjuna Master Chief í nýja átt festist frásögnin í yfirborðskenndum útskýringum og úrdráttum. Tæknilegt afrek Spilarinn stjórnar bæði Master Chief og teymi hans í leit að gervigreindinni Cortana og hópi málaliða undir stjórn James Locke sem freistar þess að handsama Master Chief. Frásögnin er þannig tvískipt og í grunninn er þetta kærkomin breyting frá fyrri Halo-leikjum. Spilarinn fær því miður aldrei að kynnast persónunum sem skipa teymin tvö. Þrátt fyrir nokkrar vel heppnaðar tilraunir 343 til að fá spilarann til að sýna hluttekningu þá verður saga Halo 5 aldrei hinn dramatíski rússíbani sem fyrirtækið sá fyrir sér. Þrátt fyrir frásagnarleg mistök er Halo 5: Guardians einn flottasti skotleikur sem nokkurn tíma hefur verið gefinn út. Svo glæsilegur er þessi leikur að auðvelt er að fyrirgefa 343 fyrir lítinn metnað í sögunni. Halo 5: Gaurdians keyrir á 60 römmum sekúndu og það gerir hann án undantekninga. Þetta er ótrúlegt afrek. Eftir að hafa spilað Halo 5 í nokkra daga er nánast ómögulegt að grípa í Destiny, Call of Duty eða einhvern annan skotleik án þess að upplifa ósýnilegt lagg og hikst. Auk þess neglir 343 spilunina. Halo-leikirnar hafa alltaf verið afar liprir leikir en Halo 5 er á allt öðrum stað en aðrir skotleikir. Það er hrein unun að hlaupa um vígvöllinn sem Master Chief eða annar Spartverji. Þungi brynklæddra hermannanna er svo greinilega til staðar en um leið upplifir maður hvernig hægt er að nota þennan þunga til að svífa eins og fiðrildi milli óvinanna. Fyrirheit um bjarta framtíð Þessi einstaka tæknilega geta 343 er áberandi á öllum stigum Halo 5. Í sögunni er hún til staðar í einstakri sviðsmynd sem virðist teygja sig út í hið óendanlega og í fjölspiluninni er hana að finna í hrikalegri færslu hreyfiorku þegar spilarinn lemur sig í gegnum hvern óvininn á fætur öðrum. Fjölspilunin í Halo 5 er ein sú besta í allri leikjaröðinni. Sem frumraun 343 Industries á nýrri kynslóð leikjatölva er Halo 5: Guardians fyrst og fremst fyrirheit um það sem koma skal. Og ef fyrirtækinu tekst að sigrast á frásagnarlegum erfiðleikum þá á Halo-leikjaröðin vafalaust eftir að koma sér vel fyrir á Xbox One.
Leikjadómar Leikjavísir Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Áslaug Arna fór í meðferð til að vinna bug á köngulóafælni Lífið Fleiri fréttir Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira