Póstkortið Haukur Viðar Alfreðsson skrifar 25. janúar 2016 07:00 Ef ég fengi að ráða væru SS pylsur 50% lengri og pylsubrauðin líka. Ein pylsa nægir mér ekki en tvær valda mér ógleði. En ég ræð þessu víst ekki og líklega er góð og gild ástæða fyrir lengdinni eins og hún er og hefur verið í tugi ára. Ég sé fyrir mér umfangsmiklar markaðsrannsóknir unnar í samvinnu við reynslumikla matvælafræðinga. Allavega eitthvað sem ég hef ekki hundsvit á. Ég sulla bara remúlaði á þetta. Mörg okkar hugsa stundum um hlutina sem við myndum gera ef við réðum bókstaflega öllu. Sjálfur myndi ég afnema hlé í bíó, stytta vinnuvikuna um einn dag með fríi á miðvikudögum, loka kommentakerfum vefmiðlanna og stöðva innflutning á rósakáli til landsins. En þetta eru dagdraumar og flest gerum við okkur grein fyrir því að það liði eflaust ekki langur tími þar til völdin yrðu tekin af okkur. Fólk hefur almennt litla þolinmæði fyrir einræðisherrum. Forsætisráðherra virðist hins vegar ekki hafa fengið memóið og freistar þess nú að færa þessa vinsælu dægradvöl upp á næsta stig. Að vera forsætisráðherra er ekki nóg, hann vill ráða öllu og þröngvar nú upp á okkur blautum draumi sínum um þá Reykjavík sem hann upplifði aldrei. Rómantíska sjávarþorpið þar sem Bankastræti hét Bakarabrekka og skítalækur rann fram hjá stjórnarráðinu. Engin rök – bara „mér finnst“. Það er auðvitað ekkert að því að embættismenn sinni áhugamálum sínum eins og annað fólk. Mig varðar ekkert um súrdeigsbakstur og flugmódelasmíði ráðamanna. En það er óþolandi að tómstundaarkítektar í valdastöðum stöðvi löglegar og samþykktar byggingarframkvæmdir vegna þess að þeim þykir húsið ekki nógu sexí á póstkorti. Plús það, sendir einhver póstkort árið 2016? Viltu birta grein á Vísi? Sendu okkur póst. Senda grein Haukur Viðar Alfreðsson Mest lesið Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Neyð Róhingja Sigurjón Örn Stefánsson Skoðun Daði Pálmar Ragnarsson Bakþankar Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Enginn stjórnmálaflokkur mun niðurgreiða sálfræðiþjónustu og útrýma biðlistum Þórarinn Hjartarson Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Við fylgjum þér frá getnaði til grafar Benedikt S. Benediktsson Skoðun Ekki sama hvaðan gott kemur Magnea Gná Jóhannsdóttir Skoðun Börn í meðferð eiga rétt á fagfólki orð duga ekki lengur! Steindór Þórarinsson Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson Skoðun
Ef ég fengi að ráða væru SS pylsur 50% lengri og pylsubrauðin líka. Ein pylsa nægir mér ekki en tvær valda mér ógleði. En ég ræð þessu víst ekki og líklega er góð og gild ástæða fyrir lengdinni eins og hún er og hefur verið í tugi ára. Ég sé fyrir mér umfangsmiklar markaðsrannsóknir unnar í samvinnu við reynslumikla matvælafræðinga. Allavega eitthvað sem ég hef ekki hundsvit á. Ég sulla bara remúlaði á þetta. Mörg okkar hugsa stundum um hlutina sem við myndum gera ef við réðum bókstaflega öllu. Sjálfur myndi ég afnema hlé í bíó, stytta vinnuvikuna um einn dag með fríi á miðvikudögum, loka kommentakerfum vefmiðlanna og stöðva innflutning á rósakáli til landsins. En þetta eru dagdraumar og flest gerum við okkur grein fyrir því að það liði eflaust ekki langur tími þar til völdin yrðu tekin af okkur. Fólk hefur almennt litla þolinmæði fyrir einræðisherrum. Forsætisráðherra virðist hins vegar ekki hafa fengið memóið og freistar þess nú að færa þessa vinsælu dægradvöl upp á næsta stig. Að vera forsætisráðherra er ekki nóg, hann vill ráða öllu og þröngvar nú upp á okkur blautum draumi sínum um þá Reykjavík sem hann upplifði aldrei. Rómantíska sjávarþorpið þar sem Bankastræti hét Bakarabrekka og skítalækur rann fram hjá stjórnarráðinu. Engin rök – bara „mér finnst“. Það er auðvitað ekkert að því að embættismenn sinni áhugamálum sínum eins og annað fólk. Mig varðar ekkert um súrdeigsbakstur og flugmódelasmíði ráðamanna. En það er óþolandi að tómstundaarkítektar í valdastöðum stöðvi löglegar og samþykktar byggingarframkvæmdir vegna þess að þeim þykir húsið ekki nógu sexí á póstkorti. Plús það, sendir einhver póstkort árið 2016?
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Enginn stjórnmálaflokkur mun niðurgreiða sálfræðiþjónustu og útrýma biðlistum Þórarinn Hjartarson Skoðun
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Enginn stjórnmálaflokkur mun niðurgreiða sálfræðiþjónustu og útrýma biðlistum Þórarinn Hjartarson Skoðun