Þjónusta sem byggir á reynslu

KYNNING - Bókhaldsþjónustan Viðvik ehf. er þjónustufyrirtæki á sviði bókhalds og uppgjörsmála og sinnir jöfnum höndum litlum og stórum fyrirtækjum, húsfélögum, félagasamtökum auk einstaklinga.

Að sögn Más Jóhannssonar, framkvæmdastjóra og eiganda Viðviks ehf., byggir bókhaldsþjónustan á gömlum og traustum grunni en upphaflega hét hún Bókhaldsþjónusta Más og var stofnuð árið 1986. „Ég hef starfað í þessari grein síðan árið 1986 og í fullu starfi síðan árið 1989. Þjónusta okkar byggir því á langri reynslu af bókhaldsstörfum, launavinnslu, skrifstofu- og fjármálastjórn úr íslensku atvinnulífi undanfarna áratugi.“

Viðvik ehf. þjónustar allar greinar atvinnulífsins og þjónustan er fjölbreytt. „Við sjáum um hefðbundið bókhald og afstemmingar, jafnóðum á tveggja mánaða fresti eða við ársreiknings- og framtalsgerð. Öll gögn eru send í tölvutæku formi til RSK.“

Starfsmenn Viðviks sjá einnig um greiðslur allra gjalda og launa eftir óskum viðskiptavina með því að koma seðlunum eða skilagreinum í viðskiptabanka fyrir­tækis og skuldfæra á reikning þess. „Auk þess sjáum við um innheimtu reikninga fyrir viðskiptavini okkar.“

Sífellt færist í vöxt að fyrirtæki láti Viðvik sjá um launavinnsluna fyrir sig enda felst mikið hagræði í því að sögn Más. „Við sjáum líka um launagreiðslur fyrirtækja sem ekki kaupa bókhaldsþjónustu hjá okkur. Þetta eru oft viðkvæmar upplýsingar og trúnaðarmál innan flestra fyrirtækja. Því finnst mörgum kostur að geta útvistað þessum þætti.“ Öll gögn til lífeyrissjóða og stéttarfélaga og vegna skatta eru send rafrænt.

Viðvik sér einnig um gerð skattframtala fyrir einstaklinga, einstaklinga í rekstri og fyrirtæki af öllum stærðum og gerðum. „Auk þess sjáum við um ýmis uppgjör og sérverkefni á borð við uppgjör fyrir húsfélög, félagasamtök og trúfélög. Við gerum einnig rekstraráætlanir og veitum rekstrarráðgjöf, t.d. varðandi breytingu rekstrarforms og stofnun fyrirtækja svo eitthvað sé nefnt. Að lokum má nefna uppgjör og skipti dánarbúa, aðstoð vegna fyrirframgreidds arfs sem eru oft viðkvæm mál. Þar erum við miklu ódýrari kostur en lögmaður.“

Í dag starfa hjá fyrirtækinu þrír starfsmenn í fullu starfi allt árið. Endurmenntun er aðalsmerki fyrirtækisins.

Allar nánari upplýsingar um þjónustu Viðviks má finna á www.vidvik.is.