Svona væri Jurassic Park án risaeðla - Myndband

Jurassic Park er ein vinsælasta mynd allra tíma. Sú fyrsta kom út árið 1993 og markaði algjör tímamót í tæknibrellum í kvikmyndum. Steven Spielberg leikstýrði myndinni sem fékk magnaðar viðtökur á sínum tíma.

Risaeðlurnar leika mjög stórt hlutverk í myndunum en á dögunum setti einn YouTube notandi inn myndbrot úr fyrstu myndinni þar sem búið er að fjarlægja allar risaeðlur.

Umrætt atriði er þegar aðal sögupersónur myndarinnar sjá einmitt lifandi risaeðlur í fyrsta skipti og því nokkuð fyndið ef búið er að fjarlægja þær. Hér að neðan má sjá myndbrotið sem er nokkuð vinsælt á YouTube.