Þið skuldið Haukur Viðar Alfreðsson skrifar 4. apríl 2016 06:00 Líklega var ég ekki sá eini sem svitnaði yfir Kastljósi gærkvöldsins þegar beinagrindur forsætisráðherra voru viðraðar. En ólíkt mörgum þá svitnaði ég ekki vegna yfirgengilegs umfangs svínarísins heldur vegna þess að Bakþankarnir sem ég hafði sent Fréttablaðinu voru formlega orðnir úreltir. Ég hafði skrifað pólitískan pistil í léttum dúr í formi bréfs sem ég stílaði á Jóhannes, aðstoðarmann Sigmundar, og bað hann að skila einhverju til hans sem var fyndið í gær en hallærislegt í dag. Svo fór ég í sund. Já, svona er þetta stundum þegar maður reynir að tjá sig um málefni líðandi stundar. Stundin líður hratt og klukkan tíu mínútur yfir sex í gærkvöldi var svitinn mættur á síhækkandi enni mitt. „Ég verð sjálfum mér til skammar,“ hugsaði ég og gat ekki ímyndað mér neinn sem liði jafn illa og mér yfir þættinum nema mögulega Sigmund sjálfan, sem ég sá fyrir mér fýldan á svip, potandi í þurra perutertu með teskeið úr silfri (æ, það var perutertubrandari í gamla pistlinum sem ég tímdi ekki að henda). Ég hringdi upp á ritstjórn og fékk klukkutíma til að skrifa nýja Bakþanka. En ókei, ég hef ekki hugmynd um hvað gerist næst. Hvernig Sigmundur, Bjarni og allir hinir Tortólatillarnir geta endurheimt traust þjóðarinnar. Líklega geta þeir það aldrei en mannorðið má endurheimta með ýmsum hætti. Þið eigið samtals þúsund skrilljarða og skuldið okkur svo miklu meira en afsökunarbeiðni og afsögn. Gefið okkur, grálúsugu krónuþrælunum, nýjan og fullgræjaðan Landspítala sem þið borgið úr eigin vasa og við skulum taka tillit til þess þegar við skrifum bækurnar um ykkur.Greinin birtist fyrst í Fréttablaðinu 4. apríl Viltu birta grein á Vísi? Sendu okkur póst. Senda grein Birtist í Fréttablaðinu Haukur Viðar Alfreðsson Mest lesið Halldór 5.10.2024 Jón Þór Stefánsson Halldór Spilling á Íslandi: Erum við að missa tökin? Ágústa Árnadóttir Skoðun Sleppum brúnni og förum betri leið framhjá Selfossi Elliði Vignisson Skoðun Háskóli Íslands er ekki að sinna skyldum sínum Silja Höllu Egilsdóttir Skoðun Eignafólk græðir mikið á vaxtastefnu Seðlabankans Stefán Ólafsson Skoðun Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun Dauðarefsing Pírata Sigurjón Þórðarson Skoðun Að dansa í regninu Lóa Björk Ólafsdóttir Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun Foreldrar eru sérfræðingar í sínum börnum Valdimar Víðisson Skoðun
Líklega var ég ekki sá eini sem svitnaði yfir Kastljósi gærkvöldsins þegar beinagrindur forsætisráðherra voru viðraðar. En ólíkt mörgum þá svitnaði ég ekki vegna yfirgengilegs umfangs svínarísins heldur vegna þess að Bakþankarnir sem ég hafði sent Fréttablaðinu voru formlega orðnir úreltir. Ég hafði skrifað pólitískan pistil í léttum dúr í formi bréfs sem ég stílaði á Jóhannes, aðstoðarmann Sigmundar, og bað hann að skila einhverju til hans sem var fyndið í gær en hallærislegt í dag. Svo fór ég í sund. Já, svona er þetta stundum þegar maður reynir að tjá sig um málefni líðandi stundar. Stundin líður hratt og klukkan tíu mínútur yfir sex í gærkvöldi var svitinn mættur á síhækkandi enni mitt. „Ég verð sjálfum mér til skammar,“ hugsaði ég og gat ekki ímyndað mér neinn sem liði jafn illa og mér yfir þættinum nema mögulega Sigmund sjálfan, sem ég sá fyrir mér fýldan á svip, potandi í þurra perutertu með teskeið úr silfri (æ, það var perutertubrandari í gamla pistlinum sem ég tímdi ekki að henda). Ég hringdi upp á ritstjórn og fékk klukkutíma til að skrifa nýja Bakþanka. En ókei, ég hef ekki hugmynd um hvað gerist næst. Hvernig Sigmundur, Bjarni og allir hinir Tortólatillarnir geta endurheimt traust þjóðarinnar. Líklega geta þeir það aldrei en mannorðið má endurheimta með ýmsum hætti. Þið eigið samtals þúsund skrilljarða og skuldið okkur svo miklu meira en afsökunarbeiðni og afsögn. Gefið okkur, grálúsugu krónuþrælunum, nýjan og fullgræjaðan Landspítala sem þið borgið úr eigin vasa og við skulum taka tillit til þess þegar við skrifum bækurnar um ykkur.Greinin birtist fyrst í Fréttablaðinu 4. apríl
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun