Gleraugna–glámur Berglind Pétursdóttir skrifar 23. maí 2016 07:00 Frá því að ég var píreygur 9 ára krakki hefur sjón minni farið hrakandi og ég sit nú uppi með nærsýni upp á þrjár kommur og sjónskekkju eins og söguhetjan í Dagbókum Berts. Um fimmtán ára aldurinn var stefnan tekin á glæstan feril á sviði nútímadanslistar og fengu gleraugun að víkja fyrir handhægum augnlinsum. Í dag er ég tuttugu og sjö ára og hef í tylft ára troðið linsum í augun á mér um leið og ég vakna. Ég hef reynt að kaupa mér fokdýr tískugleraugu þegar frænkur mínar segja æ, æ, þetta er ekki gott fyrir augun, en allt kemur fyrir ekki. Alltaf sogast þessar litlu sogskálar aftur utan um mínar ofkúptu augnkúlur. Tólf ár sem þræll og allt það, ég ákvað að freista gæfunnar og fara í rannsókn til þess að ganga úr skugga um hvort ég væri gjaldgengur kandídat í leiseraðgerð á augum. Ég pantaði tíma. Ekkert mál. Þú þarft að vera linsulaus í heila viku á undan, sagði símadaman hjá augnlækninum. Guð minn góður, svaraði ég. Eftir að hafa verið bundin linsum í 12 ár var hægara sagt en gert að draga níðþungar lonníetturnar upp úr hulstrinu og burðast með þær allan liðlangan daginn. Dagarnir voru langir, nefpúðarnir voru harðir. Mér fannst vinnufélagar mínir pískra um gleraugun. Enginn hrinti mér reyndar (bannað að hrinda fólki með gleraugu) og fyrir það var ég þakklát. Eftir erfiða viku hrundi ég með gleraugun á undan mér inn til læknisins og fékk grænt ljós á að leggjast strax inn á þetta hátækniaugnsjúkrahús í þær tíu mínútur sem aðgerðin tekur. Þvílík blessun. Fyrst skapaði guð sjónskekkjuna. Svo skapaði hann leysigeislann. Amen.Þessi grein birtist fyrst í Fréttablaðinu þann 23. maí. Viltu birta grein á Vísi? Sendu okkur póst. Senda grein Berglind Pétursdóttir Birtist í Fréttablaðinu Mest lesið Halldór 4.10.2025 Halldór Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun Barnafjölskyldur í Reykjavík eiga betra skilið Þorbjörg Sigríður Gunnlaugsdóttir Skoðun Kæra Epli, skilur þú mig? Lilja Dögg Jónsdóttir Skoðun Þorgerður og erlendu dómstólarnir Hjörtur J. Guðmundsson Skoðun Lyftum umræðunni á örlítið hærra plan Jóna Hlíf Halldórsdóttir Skoðun Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun Transumræðan og ruglið um fjölda kynja Einar Steingrímsson Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun
Frá því að ég var píreygur 9 ára krakki hefur sjón minni farið hrakandi og ég sit nú uppi með nærsýni upp á þrjár kommur og sjónskekkju eins og söguhetjan í Dagbókum Berts. Um fimmtán ára aldurinn var stefnan tekin á glæstan feril á sviði nútímadanslistar og fengu gleraugun að víkja fyrir handhægum augnlinsum. Í dag er ég tuttugu og sjö ára og hef í tylft ára troðið linsum í augun á mér um leið og ég vakna. Ég hef reynt að kaupa mér fokdýr tískugleraugu þegar frænkur mínar segja æ, æ, þetta er ekki gott fyrir augun, en allt kemur fyrir ekki. Alltaf sogast þessar litlu sogskálar aftur utan um mínar ofkúptu augnkúlur. Tólf ár sem þræll og allt það, ég ákvað að freista gæfunnar og fara í rannsókn til þess að ganga úr skugga um hvort ég væri gjaldgengur kandídat í leiseraðgerð á augum. Ég pantaði tíma. Ekkert mál. Þú þarft að vera linsulaus í heila viku á undan, sagði símadaman hjá augnlækninum. Guð minn góður, svaraði ég. Eftir að hafa verið bundin linsum í 12 ár var hægara sagt en gert að draga níðþungar lonníetturnar upp úr hulstrinu og burðast með þær allan liðlangan daginn. Dagarnir voru langir, nefpúðarnir voru harðir. Mér fannst vinnufélagar mínir pískra um gleraugun. Enginn hrinti mér reyndar (bannað að hrinda fólki með gleraugu) og fyrir það var ég þakklát. Eftir erfiða viku hrundi ég með gleraugun á undan mér inn til læknisins og fékk grænt ljós á að leggjast strax inn á þetta hátækniaugnsjúkrahús í þær tíu mínútur sem aðgerðin tekur. Þvílík blessun. Fyrst skapaði guð sjónskekkjuna. Svo skapaði hann leysigeislann. Amen.Þessi grein birtist fyrst í Fréttablaðinu þann 23. maí.
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun