Kjólar Díönu prinsessu settir á uppboð

Í næsta mánuði munu tveir kjólar úr ótrúlegu fatasafni Díönu prinsessu fara á uppboð. Annar þeirra sem er blágrænn pallíettu kjóll hannaður af Catherine Walker sem hún klæddis í opinberri heimsókn til Austurríkis árið 1986. Hann var fyrst seldur á uppboði á 16.3 milljónir króna en það var þremur mánuðum áður en Díana lést í bílslysi í Frakklandi. 

Talið er að kjóllinn muni seljast á rúmar 18 milljónir króna þegar hann verður settur á uppboð. 

Hinn kjóllinn sem verður í boði er sægrænn og köflóttur. Hann var hannaður af Emanual couture, en það er sami hönnuður og hannaði brúðkaupskjólinn hennar þegar hún giftist Karli bretaprins. Díana notaði þann kjól í Feneyjum árið 1985 og er búist við að hann muni seljast á tæpar þrjár milljónir króna.