Valdið notar tímann Pawel Bartoszek skrifar 23. júlí 2016 13:00 Í vikunni gengu fulltrúar skattstjóra ásamt lögreglu milli húsa og hræddu túrista. Já, því þrátt fyrir að ný lög heimili fólki að leigja húsnæði sitt í allt að 90 daga á ári án sérstakra leyfa þá taka þau lög ekki gildi fyrr en eftir áramót. Lögreglan tilkynnti að samskonar rassía myndi eiga sér stað í næstu viku. Aukið frelsi virðist alltaf þurfa aðlögunartíma. Segjum að Alþingi samþykki einhvern tímann að hætta að refsa fólki fyrir að reykja gras. Lögreglan mun biðja um frest. „Þetta er svo stórt mál. Það eru svo margar reglur sem þarfnast breytinga, svo margir verkferlar sem þarf að endurskoða.“ Ef Alþingi fellst á þetta mun þá lögreglan, fram á seinustu stundu, ryðjast inn í vel valda kjallara Þingholtanna og handtaka freðið fólk þar sem það horfir á Áramótaskaupið? Verður settur sérstakur mannskapur í það að eyðileggja atvinnu- og ferðamöguleika, nokkurra einstaklinga til viðbótar, rétt áður en klukkan slær tólf á miðnætti? Nú er ekki sagt að lögreglan eigi ekki að bregðast við ábendingum um ónæði eða skattsvik. En ákvörðun um að skera upp sérstaka herör gegn útleigu heimagistingar rétt áður en hún verður lögleg segir okkur að sá frestur sem Alþingi gefur stofnunum til að laga sig að breyttum lögum er of rúmur. Það hefði verið í lagi að gefa sýslumanni einn mánuð til að undirbúa nýtt eyðublað um skráningu heimagistingar. En óþarfi er að gefa öðrum yfirvöldum hálft ár til að veifa hnefa sínum framan í fólk með handahófskenndum hætti í því skyni að sporna við athæfi sem Alþingi er búið að samþykkja að eigi að vera löglegt. Viltu birta grein á Vísi? Sendu okkur póst. Senda grein Pawel Bartoszek Mest lesið Halldór 4.10.2025 Halldór Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun Barnafjölskyldur í Reykjavík eiga betra skilið Þorbjörg Sigríður Gunnlaugsdóttir Skoðun Kæra Epli, skilur þú mig? Lilja Dögg Jónsdóttir Skoðun Þorgerður og erlendu dómstólarnir Hjörtur J. Guðmundsson Skoðun Lyftum umræðunni á örlítið hærra plan Jóna Hlíf Halldórsdóttir Skoðun Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun Transumræðan og ruglið um fjölda kynja Einar Steingrímsson Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun
Í vikunni gengu fulltrúar skattstjóra ásamt lögreglu milli húsa og hræddu túrista. Já, því þrátt fyrir að ný lög heimili fólki að leigja húsnæði sitt í allt að 90 daga á ári án sérstakra leyfa þá taka þau lög ekki gildi fyrr en eftir áramót. Lögreglan tilkynnti að samskonar rassía myndi eiga sér stað í næstu viku. Aukið frelsi virðist alltaf þurfa aðlögunartíma. Segjum að Alþingi samþykki einhvern tímann að hætta að refsa fólki fyrir að reykja gras. Lögreglan mun biðja um frest. „Þetta er svo stórt mál. Það eru svo margar reglur sem þarfnast breytinga, svo margir verkferlar sem þarf að endurskoða.“ Ef Alþingi fellst á þetta mun þá lögreglan, fram á seinustu stundu, ryðjast inn í vel valda kjallara Þingholtanna og handtaka freðið fólk þar sem það horfir á Áramótaskaupið? Verður settur sérstakur mannskapur í það að eyðileggja atvinnu- og ferðamöguleika, nokkurra einstaklinga til viðbótar, rétt áður en klukkan slær tólf á miðnætti? Nú er ekki sagt að lögreglan eigi ekki að bregðast við ábendingum um ónæði eða skattsvik. En ákvörðun um að skera upp sérstaka herör gegn útleigu heimagistingar rétt áður en hún verður lögleg segir okkur að sá frestur sem Alþingi gefur stofnunum til að laga sig að breyttum lögum er of rúmur. Það hefði verið í lagi að gefa sýslumanni einn mánuð til að undirbúa nýtt eyðublað um skráningu heimagistingar. En óþarfi er að gefa öðrum yfirvöldum hálft ár til að veifa hnefa sínum framan í fólk með handahófskenndum hætti í því skyni að sporna við athæfi sem Alþingi er búið að samþykkja að eigi að vera löglegt.
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun