Cara Delevigne orðin stutthærð

Fyrirsætunni Cara Delevigne hefur greinilega fundist vera kominn tími á breytingu en hún klippti helminginn af hárinu í gærdag. Hún hefur lengi vel verið þekkt fyrir síða og skollitaða lokka en núna nær hárið hennar niður að öxlum og lítur út fyrir að vera aðeins ljósara en það var áður. 

Hún frumsýndi nýju hárgreiðsluna á Comic Con hátíðinni en fyrr um daginn hafði hún komið aðdáendum sínum á óvart með því að deila mynd af nýklipptu hári sem lá á gólfinu. 

Það verður að segjast að útkoman sé stórglæsileg og það eru eflaust margir sem eiga eftir að fylgja í fótspor hennar í kjölfarið, enda er Cara talin af mörgum vera mikil smekkmanneskja. 

A photo posted by Cara Delevingne (@caradelevingne) on Jul 21, 2016 at 10:24am PDT