Spá að Miðfjarðará fari yfir 4.000 laxa

Miðfjarðará er sem stendur önnur aflahæsta á sumarsins en veiðin þar hefur verið með besta móti í allt sumar.

Hún nær þó ekki sumrinu í fyrra enda væri það ósanngjörn krafa því það sumar sló öll met í ánni.  Veiðin núna gæti þó náð því marki að verða annað besta sumarið í ánni en þeir veiðimenn sem hafa verið að koma úr ánni hafa rétt fyrir sér.  Það er mikið af laxi í öllum hyljum og takan hefur verið einstaklega góð sem er ekki það sama og hægt er að segja um flestar ár á landinu með undantekningum þó.  Kunnugir menn við Miðfjarðará segja að áin eigi það vel inni að fara yfir 4.000 laxa á þessum tímabili og líklega verði staðan sú að sumarið gæti skákað árunum 2009 og 2010 en þá veiddust 4.004 laxar (2009) og 4.043 laxar (2010).  Það hlýtur því að vera góður andi við bakka Miðfjarðarár þessa dagana þegar það stefnir í að sumarið gæti með góðu orðið það annað besta frá upphafi í ánni.

Heildarveiðin í Miðfjarðará í fyrra var 6.028 laxar sem er besta veiði í sjálfbærri laxveiðiá á Íslandi þar sem veitt er á stöng.