Tveggja vikna vetrardagaveisla Heklu

Miðvikudaginn 12. október hefjast Vetrardagar í höfuðstöðvum HEKLU við Laugaveg. Vetrardagarnir standa yfir í tvær vikur og til sýnis verða allar helstu stjörnur Audi, Skoda, Mitsubishi og Volkswagen með áherslu á fjórhjóladrifna bíla. Þetta er tilvalið tækifæri fyrir þá sem hyggjast fjárfesta í nýjum bíl fyrir veturinn að kynnast úrvalinu og fá ráðleggingar varðandi val á aukabúnaði.

Í tilefni vetrardaga verða sýningarsalirnir stútfullir af tilboðum. Volkswagen Passat verður á tilboði, vetrardekk og dráttarbeisli fylgja öllum seldum Audi Q3 og Skoda býður 25% afslátt af aukahlutum með öllum seldum bílum. Vetrardekk og dráttarbeisli koma með öllum seldum Mitsubishi Outlander og pallbíllinn Volkswagen Amarok er á frábæru tilboði, svo eitthvað sé nefnt. Þess má einnig geta að allir fólksbílar hjá HEKLU koma nú með fimm ára ábyrgð.

„Þetta er okkar leið til að taka vel á móti væntanlegum vetri. Í leiðinni gefst okkur tækifæri til að kynna bílaflotann okkar og gefa gestum góð ráð varðandi kaup,“ segir Friðbert Friðbertsson, forstjóri HEKLU. „Við erum með breiða línu vistvænna bíla, snarpa og  hagkvæma borgarbíla og mikið úrval af fjórhjóladrifnum bílum.

Má þar nefna Skoda Yeti, Mitsubishi Pajero og verðlaunabílana Audi Q7 e-tron quattro og Volkswagen Tiguan sem frumsýndir voru nýverið. Meðan á Vetrardögum stendur verðum við einnig með margvísleg tilboð á aukahlutum og það verður vetrarstemning í hverjum sal." Vetrardagar HEKLU hefjast miðvikudaginn 12. október og standa til 26. október.