Southgate fær fastráðningu í dag

Samkvæmt heimildum Sky Sports þá mun enska knattspyrnusambandið veita Gareth Southgate fastráðningu sem landsliðsþjálfari í dag.

Southgate hefur verið bráðabirgðalandsliðsþjálfari í síðustu fjórum landsleikjum. Staða sem hann tók er Sam Allardyce hrökklaðist óvænt úr starfi.

Enska landsliðið hefur ekki tapað í þessum fjórum leikjum undir stjórn Southgate og enska sambandið er ánægt með hans störf.

Heimildir Sky herma einnig að Southgate hafi viljað ríflega launahækkun og samning fram yfir EM 2020.