Hreinsihanski sem mun gera þér lífið auðveldara

Það kannast líklega flestar konur við það að vera latar að taka af sér málninguna fyrir svefn en sem betur fer er komin lausn á því. GLOV er hreinsihanski sem fjarlægir allan farða vandlega með því að nota eingöngu vatn. Ekki nóg með að hanskinn fjarlægir förðun heldur er einnig hægt að nota hann sem almennan hreinsiklút eins og eftir ræktina. Fínofnar örtrefjarnar djúphreinsa yfirborð húðarinnar án þess að raska rakajafnvæginu. GLOV fjarlægir dauðar húðfrumur og örvar blóðflæði húðarinnar, skilar húðinni fullkomlega hreinni og yndislega mjúkri.

Hanskinn er einfaldur í notkun en það eru til þrjár tegundir. Það eina sem þarf að gera er að bleyta hann með volgu eða köldu vatni. Best er að byrja á augnsvæðinu með því að nota mjúkar hringlaga hreyfingar. Eftir að förðunin er öll komin af er hanskinn handþveginn með handsápu og vatni þar til öll óhreinindin eru horfin.

Hanskarnir eru fullkomnir við hvaða aðstæður sem er en þeir fást í Hagkaup, Lyf og Heilsu, Heimkaup og apótekum víða um land. GLOV vörurnar eru ofnæmisprófaðar, henta öllum húðtegundum, mildar fyrir augun, öruggar í notkun, umhverfisvænar og hægt að nota allt upp í þrjá mánuði.