Everton marði Crystal Palace með sigurmarki undir lokin | Sjáðu mörk dagsins

Everton lagði Crystal Palace 1-0 í ensku úrvalsdeildinni í fótbolta í dag á útivelli.

Seamus Coleman skoraði sigurmark Everton þegar þrjár mínútur voru eftir af leiknum en Palace er í fallsæti eftir að Swansea vann fyrr í dag.

Andy Carroll skoraði tvö mörk fyrir West Ham sem lagði Middlesbrough 3-1 á útivelli. WBA lagði Sunderland með tveimur mörkum í fyrri hálfleik og Bournemouth og Watford skildu jöfn í hörku leik.

Úrslit dagsins:

Bournemouth - Watford 2-2

Crystal Palace - Everton 0-1

Middlesbrough - West Ham United 1-3

WBA - Sunderland 2-0