Tímamótabíllinn Peugeot 3008 frumsýndur

Nýr Peugeot 3008 Crossover verður frumsýndur hjá Brimborg á laugardaginn 11. febrúar. Peugeot 3008 er tilnefndur sem Bíll ársins í Evrópu 2017 og hefur nú þegar hlotið nafnbótina bíll ársins í Danmörku. Það er til marks um einstaklega vel heppnaða hönnun og framúrskrandi gæði þessa bíls. Það er sama hvar borið er niður, glæsilegt útlit bílsins að innan sem utan, gæðin, þægindin, aksturseiginleikarnir, allt er eins og best verður á kosið.

Peugeot 3008 er hár frá götu, 22 cm. undir lægsta punkt og framdrifið er fáanlegt með öflugri Grip Control spólvörn sem kemur honum í gegnum erfiðustu aðstæður. Þráðlaus tækni hleður síma og með Mirror Screen tækninni er hægt að nota Apple Car Play eða Mirror Link fyrir Android til að tengja snjallsíma við 8“ skjáinn.

Fyrsta flokks þægindi

Ökumannsrými Peugeot 3008 er sérlega fallegt og hannað með notagildi í huga. Í nýjum Peugeot 3008 er ný kynslóð af hinu annálaða i-Cockpit mælaborði og stjórntækjum. Þar sest ökumaður inn í fullkomin stafrænan heim með 8“ snertiskjá, stafrænum mælum í mælaborði og stýri með helstu stjórntækjum.

Við hönnun i-Cockpit var notagildi og þægindi fyrir ökumann haft að leiðarljósi þar sem öll stjórntæki, mælar og skjáir eru í sjónlínu ökumanns. Sportstýri i-Cockpit eykur stjórn og veitir næmara viðbragð. Há sætisstaðan eykur þægindi, aðgengi og öryggi í akstri.

Grip Control spólvörn – ein sinnar tegundar

Peugeot 3008 SUV er framdrifinn með spólvörn og stöðugleikakerfi. Til viðbótar er hægt að fá bílinn með öflugri spólvörn, Grip Control. Grip Control spólvörn Peugeot 3008 aðlagar sig að öllum aðstæðum hvort sem ekið er í snjó, aur, í sandi eða á grófum malarvegum.

Með því móti eru auðveldara að tækla erfiðar vegaðstæður á einfaldan og öruggan hátt. Brekkuaðstoð er hluti af Grip Control bílsins og hún aðstöðar ökumenn við að taka af stað í halla en einnig til að fara niður mjög brattar brekkur, þar sem fara þarf mjög gætilega.

Peugeot 3008 verður frumsýndur í sýningarsal Peugeot á Íslandi | Brimborg, Bíldshöfða 8,  laugardaginn 11. febrúar frá klukkan 12 – 16.