Konan vakti hann með kinnhesti á hverjum degi í rúmlega tvær vikur

Það getur skipt miklu máli hvernig maður er vakinn á morgnanna. Ef maður vaknar pirraður getur dagurinn í rauð verið ónýtur, eins og eflaust allir lesendur Vísis kannast við.

Það er oft ekkert sérstaklega sniðugt að stríða fólki þegar það er að vakna, þess þá heldur að meiða það.

Eitt vinsælasta myndbandið á Reddit í þessari viku er tæplega sex ára gamalt. Þar má sjá mann vakna 15 daga í röð við það að eiginkona hans gefur honum fastan kinnhest.

Það sem gerir myndbandið mjög svo sérstakt er að maðurinn bað konuna um að gera þetta. Hér að neðan má sjá hvernig svona vakning fer í fullorðinn mann.