Samskeytalausar viðgerðir

KYNNING: GSG ehf. býður samskeytalausar viðgerðir á holum, sprungum og röngum vatnshalla í malbiki.



Þorvarður Kristjánsson, framkvæmdastjóri hjá GSG ehf, segir sérsvið fyrirtækisins vera geislahitun í malbiksviðgerðum.

„Við notum svokallaðan gashlemm í viðgerðirnar en með honum getum við hitað upp malbikið í kringum skemmdirnar. Þegar heitt malbik mætir heitu malbiki verða samskeytin ekki sjáanleg.

Þegar þessari aðferð er beitt brotnar síður upp úr samskeytum og vatn kemst ekki undir viðgerðirnar.“

Hægt er að hólfa hlemminn niður í mismunandi stærðir og þannig er hægt að eiga við ólíkar skemmdir. Hitanum er stýrt svo nýja malbikið bindist því gamla fullkomlega.

„Á meðan á viðgerð stendur kviknar og slokknar á hlemminum svo malbikið brenni ekki. Það er mikilvægt að gamla malbikið brenni ekki vegna þess að þá er ekki hægt að endurnýta það með nýju malbiki. 

Þegar nýju malbiki hefur verið bætt við er viðgerðin jöfnuð út í rétta hæð og að lokum er farið yfir með valtara. Útkoman er samskeytalaus malbiksviðgerð sem stenst allar kröfur og endist vel.“

„Við tökum að okkur malbikun á vegum, heimreiðum, plönum og malbikum einnig göngu- og hjólastíga, hraðahindranir og rampa. Þegar aðstæður leyfa ekki varanlegar viðgerðir, til dæmis yfir vetrartímann, er hægt að gera við til bráðabirgða. GSG sérhæfir sig einnig í öðrum þjónustuþáttum svo sem málun á bílastæðum, vélsópun og þvotti, lóðaþjónustu og fleiru,“ segir Þorvarður. 

„Það er öllum velkomið að hafa samband og við gerum viðkomandi tilboð í verkið.“