Jane Birkin er hætt að nota Birkin töskur

Ein frægasta og dýrasta taska allra tíma er nefnd í höfuðið á Jane Birkin. Hermés Birkin taskan var fyrst sérhönnuð fyrir leikkonuna árið 1984 en í dag er taskan orðin sú eftirsóttasta sem vitað er um. Langir biðlistar eru eftir töskunni sem framleidd er úr hágæða leðri og alvöru gulli. Sjaldgæfar útgáfur á töskunni geta kostað um 200.000 dollara, eða 22 milljón krónur. 

Í viðtali við BBC sagði Jane frá því að hún sé hætt að nota töskuna sökum stærðar. Hún segist fylla töskuna af drasli frá heimili sínu enda er taskan afar stór. Í dag setur hún frekar allt sem hún þarf í vasana sína.