Met Gala 2017: Hver er Rei Kawakubo?

Ritstjórn skrifar 1. maí 2017 19:45

Það fer sjaldnast mikið fyrir Rei Kawakubo. Myndir/Getty

Í huga tískuáhugafólks er fyrsti mánudagurinn í maí heilagur. Þá fer fram Met Gala eins og hefur verið fjallað um hér á Glamour. Óhætt er að segja að viðburðurinn sé sá stærsti og mest áberandi í tískuheiminum ár hvert.

Þetta árið snýst þema kvöldsins í kringum japanska hönnuðinn Rei Kawakubo, stofnanda Commes De Garcons og Dover Street Market.

Oft er talað um að Rei sé ein áhrifamesti hönnuður samtímans. Hún fer sínar eigin leiðir og það er óhætt að segja að hún sé meira í því að skapa listaverk sem hægt er að klæðast heldur en föt. Hún hefur starfað sem hönnuður seinustu 40 ár og er hvergi nærri hætt.

Einstök sýn Rei á tísku hefur skapað svokallaðan 'cult' hóp af fylgjendum. Hönnun hennar leikur sér af hinum hefðbundnu takmörkum tískunnar. Því er óhætt að segja að hún sé ein af merkustu núlifandu hönnuðum í heiminum í dag.

Í kvöld verður hún heiðruð af Anna Wintour og fleiri áhrifavöldum. Þar munu stærstu stjörnurnar safnast saman og klæða sig upp í sitt fínasta púss.

Glamour mun fylgjast með rauða dreglinum bæði hér á Glamour.is sem og á Instagram.