Ég man þig selst um allan heim Stefán Árni Pálsson skrifar 8. júní 2017 10:30 Með aðalhlutverk í myndinni fara þau Jóhannes Haukur Jóhannesson, Ágústa Eva Erlendsdóttir, Þorvaldur Davíð Kristjánsson, Anna Gunndís Guðmundsdóttir og Sara Dögg Ásgeirsdóttir. Kvikmyndafyrirtækið TrustNordisk hefur náð að selja mynd Óskars Þórs Axelssonar, Ég man þig, út um allan heim á Alþjóðlegu kvikmyndahátíðinni í Cannes. Myndin hefur verið seld til Norður-Ameríku (IFC Films), Frakklands (Swift), Japans (Gaga), Rómönsku Ameríku (California Filmes) og Víetnam (Green Media). Þetta kemur fram í tilkynningu frá TrustNordisk. „Sú staðreynd að Ég man þig hefur verið seld til staða í hverri einustu heimsálfu er skýr vitnisburður um að myndin höfðar til heimsins og er afar vel gerð. Við erum viss um að áhorfendur eigi eftir að taka myndinni vel á ólíkum svæðum,” segir Susan Wendt, forstjóri Alþjóðlegrar sölu- og markaðsdeildar hjá TrustNordisk. Áður hefur myndin verið seld til STUDIOCANAL (Bretland og Írland), Telemünchen (þýskumælandi svæði), Euromedia (Tyrkland) og Vertigo (Ungverjaland). Ég man þig er önnur kvikmynd Óskars Þórs Axelssonar í fullri lengd. Fyrsta mynd hans, glæpahrollvekjan Svartur á leik (2013) sló í gegn á alþjóðavísu og hlaut lof bæði frá gagnrýnendum og á kvikmyndahátíðum. Ég man þig byggir á metsölubók eftir íslenska glæpasagnahöfundinn Yrsu Sigurðardóttur og í aðalhlutverkum eru meðal annarra Þorvaldur Davíð Kristjánsson, Ágústa Eva Erlendsdóttir og Jóhannes Haukur Jóhannesson. Eldri kona hengir sig í kirkju á Vestfjörðum. Þegar sjálfsvígið er rannsakað kemur í ljós að þó nokkur önnur dauðsföll hjá eldra fólki á svæðinu hafa orðið við dularfullar aðstæður. Freyr, geðlæknir á Ísafirði, kemst að því að látna konan var með þráhyggju yfir hvarfi 7 ára sonar Freys sem hvarf þremur árum fyrr. Ungt fólk sem er að gera upp hús á Hesteyri um miðjan vetur fer að gruna að þau séu ekki einu gestirnir í eyðiþorpinu. Þessar tvær sögur tvinnast saman þegar kemur í ljós að hvarf sonar Freys og annað dularfullt barnshvarf 60 árum áður, tengjast. Framleiðendur myndarinnar Ég man þig eru Sigurjón Sighvatsson, Þórir Snær Sigurjónsson, Skúli Malmquist og Chris Briggs hjá ZikZak í samvinnu við Ape & Björn Norway (Ruben Thirkildsen) and Maze Pictures í Þýskalandi. Með stuðningi frá Íslenskri kvikmyndamiðstöð og Norsku kvikmyndamiðstöðinni. Bíó og sjónvarp Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Kemur frá Sýrlandi og syngur á íslensku Tónlist Ragnhildur og Hanna Katrín kveðja Búseta Lífið Harry og Meghan séu ekki að skilja Lífið Stofnar eigin útgáfu og byrjar í ruslinu Lífið Hafi enn verið hreinn sveinn Lífið Galið að fræðsla um snípinn sé af skornum skammti Lífið Henti listaverkinu í ruslið Menning Logi Geirs og Ólafur Ragnar léttir í London Lífið Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira
Kvikmyndafyrirtækið TrustNordisk hefur náð að selja mynd Óskars Þórs Axelssonar, Ég man þig, út um allan heim á Alþjóðlegu kvikmyndahátíðinni í Cannes. Myndin hefur verið seld til Norður-Ameríku (IFC Films), Frakklands (Swift), Japans (Gaga), Rómönsku Ameríku (California Filmes) og Víetnam (Green Media). Þetta kemur fram í tilkynningu frá TrustNordisk. „Sú staðreynd að Ég man þig hefur verið seld til staða í hverri einustu heimsálfu er skýr vitnisburður um að myndin höfðar til heimsins og er afar vel gerð. Við erum viss um að áhorfendur eigi eftir að taka myndinni vel á ólíkum svæðum,” segir Susan Wendt, forstjóri Alþjóðlegrar sölu- og markaðsdeildar hjá TrustNordisk. Áður hefur myndin verið seld til STUDIOCANAL (Bretland og Írland), Telemünchen (þýskumælandi svæði), Euromedia (Tyrkland) og Vertigo (Ungverjaland). Ég man þig er önnur kvikmynd Óskars Þórs Axelssonar í fullri lengd. Fyrsta mynd hans, glæpahrollvekjan Svartur á leik (2013) sló í gegn á alþjóðavísu og hlaut lof bæði frá gagnrýnendum og á kvikmyndahátíðum. Ég man þig byggir á metsölubók eftir íslenska glæpasagnahöfundinn Yrsu Sigurðardóttur og í aðalhlutverkum eru meðal annarra Þorvaldur Davíð Kristjánsson, Ágústa Eva Erlendsdóttir og Jóhannes Haukur Jóhannesson. Eldri kona hengir sig í kirkju á Vestfjörðum. Þegar sjálfsvígið er rannsakað kemur í ljós að þó nokkur önnur dauðsföll hjá eldra fólki á svæðinu hafa orðið við dularfullar aðstæður. Freyr, geðlæknir á Ísafirði, kemst að því að látna konan var með þráhyggju yfir hvarfi 7 ára sonar Freys sem hvarf þremur árum fyrr. Ungt fólk sem er að gera upp hús á Hesteyri um miðjan vetur fer að gruna að þau séu ekki einu gestirnir í eyðiþorpinu. Þessar tvær sögur tvinnast saman þegar kemur í ljós að hvarf sonar Freys og annað dularfullt barnshvarf 60 árum áður, tengjast. Framleiðendur myndarinnar Ég man þig eru Sigurjón Sighvatsson, Þórir Snær Sigurjónsson, Skúli Malmquist og Chris Briggs hjá ZikZak í samvinnu við Ape & Björn Norway (Ruben Thirkildsen) and Maze Pictures í Þýskalandi. Með stuðningi frá Íslenskri kvikmyndamiðstöð og Norsku kvikmyndamiðstöðinni.
Bíó og sjónvarp Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Kemur frá Sýrlandi og syngur á íslensku Tónlist Ragnhildur og Hanna Katrín kveðja Búseta Lífið Harry og Meghan séu ekki að skilja Lífið Stofnar eigin útgáfu og byrjar í ruslinu Lífið Hafi enn verið hreinn sveinn Lífið Galið að fræðsla um snípinn sé af skornum skammti Lífið Henti listaverkinu í ruslið Menning Logi Geirs og Ólafur Ragnar léttir í London Lífið Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira