Uncharted The Lost Legacy: Hver þarf á Nathan Drake að halda? Samúel Karl Ólason skrifar 2. september 2017 10:00 Nadine og Chloe, klárar í slaginn. Vísir/Naughty Dog Þegar finna þarf hina fornu tönn Ganesh er enginn betur til starfsins falin en Chloe Frazer. Hún fær til liðs við sig málaliðan Nadine Ross, en báðar hafa þær komið við sögu áður í Uncharted leikjunum. Þær tvær þurfa að etja kappi við uppreisnarleiðtogann Asav og finna týnda höfuðborg Hoysala veldisins. Uncharted serían hefur unnið til margra verðlauna í gegnum tíðina, en Naughty Dog gaf út fyrr á árinu að „ólíklegt“ væri að nýr Uncharted leikur myndi líta dagsins ljós í framtíðinni. Sem er svo sem skiljanlegt þar sem fyrirtækið hefur unnið að leikjunum um áraraðir.UTLL er eins og góð níu tíma (mesta lagi) bíómynd. Skotbardagar, fjársjóðir, fallegt umhverfi, vondir karlar, bílaeltingaleikir og hetjur. Þetta er allt þarna. Það sem Naughty Dog gerir hvað best er að skapa áhugaverðar og lifandi persónur, sem tókst svo sannarlega að þessu sinni. Til marks um það hvað Nadine er æðisleg manneskja segir hún í leiknum að einn af hennar helstu draumum sé að ferðast til Íslands. Skiljanlega. Hana langar að skoða ósnortna náttúru landsins og sjá norðurljós. Verðugt markmið það. Þetta kemur fram snemma í leiknum þegar þær Chloe og Nadine eru á spjallinu þegar keyrt er á milli verkefna. Þær tvær eru algerar andstæður og ná illa saman í fyrstu sem gerir ferðalag þeirra skemmtilegra fyrir vikið.Bardagarnir eru langt frá því að vera skemmtilegustu hlutar UTLL. Þá er ég ekki að segja að þeir séu leiðinlegir. Þeir eru það ekki og þeir eru líka oft á tíðum erfiðir. Það að leysa þrautir leiksins þykir mér þó án efa það skemmtilegasta. Þær eru fjölbreyttar og stundum krefjandi. Stærsti galli UTLL er þó sá að þegar að kjarnanum er komið, þá er leikurinn sá sami og Uncharted 4: A Thief‘s End. Sama grafíkin (stórgóð að vísu), að mörgu leyti svipað umhverfi (mjög flott umhverfi), sama prílið, sömu bardagarnir og fleira. Persónurnar eru í rauninni það eina sem er breytt. Það er ekki endilega slæmt þar sem U4 var frábær leikur. UTLL er það líka og það er skiljanlegt að hann svipi verulega til U4, þar sem hann byrjaði sem aukapakki. Framleiðslan vatt svo upp á sig og úr varð heill leikur, sem er bara þrusugóður. Allir þeir sem skemmtu sér yfir ævintýrum Nathan Drake og félaga, ættu einnig að skemmta sér yfir ævintýri Chloe og Nadine. Leikjadómar Leikjavísir Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Áslaug Arna fór í meðferð til að vinna bug á köngulóafælni Lífið Fleiri fréttir Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira
Þegar finna þarf hina fornu tönn Ganesh er enginn betur til starfsins falin en Chloe Frazer. Hún fær til liðs við sig málaliðan Nadine Ross, en báðar hafa þær komið við sögu áður í Uncharted leikjunum. Þær tvær þurfa að etja kappi við uppreisnarleiðtogann Asav og finna týnda höfuðborg Hoysala veldisins. Uncharted serían hefur unnið til margra verðlauna í gegnum tíðina, en Naughty Dog gaf út fyrr á árinu að „ólíklegt“ væri að nýr Uncharted leikur myndi líta dagsins ljós í framtíðinni. Sem er svo sem skiljanlegt þar sem fyrirtækið hefur unnið að leikjunum um áraraðir.UTLL er eins og góð níu tíma (mesta lagi) bíómynd. Skotbardagar, fjársjóðir, fallegt umhverfi, vondir karlar, bílaeltingaleikir og hetjur. Þetta er allt þarna. Það sem Naughty Dog gerir hvað best er að skapa áhugaverðar og lifandi persónur, sem tókst svo sannarlega að þessu sinni. Til marks um það hvað Nadine er æðisleg manneskja segir hún í leiknum að einn af hennar helstu draumum sé að ferðast til Íslands. Skiljanlega. Hana langar að skoða ósnortna náttúru landsins og sjá norðurljós. Verðugt markmið það. Þetta kemur fram snemma í leiknum þegar þær Chloe og Nadine eru á spjallinu þegar keyrt er á milli verkefna. Þær tvær eru algerar andstæður og ná illa saman í fyrstu sem gerir ferðalag þeirra skemmtilegra fyrir vikið.Bardagarnir eru langt frá því að vera skemmtilegustu hlutar UTLL. Þá er ég ekki að segja að þeir séu leiðinlegir. Þeir eru það ekki og þeir eru líka oft á tíðum erfiðir. Það að leysa þrautir leiksins þykir mér þó án efa það skemmtilegasta. Þær eru fjölbreyttar og stundum krefjandi. Stærsti galli UTLL er þó sá að þegar að kjarnanum er komið, þá er leikurinn sá sami og Uncharted 4: A Thief‘s End. Sama grafíkin (stórgóð að vísu), að mörgu leyti svipað umhverfi (mjög flott umhverfi), sama prílið, sömu bardagarnir og fleira. Persónurnar eru í rauninni það eina sem er breytt. Það er ekki endilega slæmt þar sem U4 var frábær leikur. UTLL er það líka og það er skiljanlegt að hann svipi verulega til U4, þar sem hann byrjaði sem aukapakki. Framleiðslan vatt svo upp á sig og úr varð heill leikur, sem er bara þrusugóður. Allir þeir sem skemmtu sér yfir ævintýrum Nathan Drake og félaga, ættu einnig að skemmta sér yfir ævintýri Chloe og Nadine.
Leikjadómar Leikjavísir Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Áslaug Arna fór í meðferð til að vinna bug á köngulóafælni Lífið Fleiri fréttir Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira