Góð bílasala í Evrópu í ár

Sala nýrra bíla í Evrópu hefur verið með besta móti það sem af er ári og er 4,4% vöxtur á fyrstu 8 mánuðunum borið saman við sama tíma í fyrra. Söluaukningin í ágúst nam 5,5%. Alls seldust 10,56 milljón bílar í Evrópu til loka ágúst og ef samskonar sala verður á síðustu 4 mánuðum ársins verður heildarsalan hátt í 16 milljón bílar. Það mun slá hátt í bílasöluna sem í stefnir í Bandaríkjunum í ár.

Aukningin var nokkuð misjöfn á milli landa í ágúst og var hæst á Ítalíu, eða 16%. Á Spáni var hún 13%, í Frakklandi 9,3% og 3,5% í Þýskalandi. Í Bretlandi var hinsvegar 6,4% samdráttur og í Belgíu um 8,1%. Verst var salan á Írlandi, sem minnkaði um 21%.

Sama má segja um bílaframleiðendur, árangur þeirra er einnig æði misjafn á ágúst. Nissan naut 17% vaxtar, Skoda 15%, Renault 13%, Toyota 13%, Seat 12%, Peugeot 11%, Fiat Chrysler 9,8%, Mercedes Benz 9,1%, Citroen 5,8%, Audi 5% og BMW 3,8%. Söluminnkun varð hjá Volkswagen um 4,4%, Porsche 10% og Ford sem nam 3,5%. 

Talsverð aukning varð á bílasölu í Evrópu í fyrra miðað við árið 2015 og þessi aukning virðist ætla að halda áfram og það sama á við bílasölu á Íslandi.