Mourinho: Ekki alltaf hægt að spila með gæðum

José Mourinho, var sáttur með sigur sinna manna gegn Southampton í dag þó svo að liðið hans hafi ekki sýnt sínar bestu hliðar.

„Það er ekki alltaf hægt að spila með frábær gæði, en við börðumst vel. Í 25. mínútu gerðum við það sem að mörg önnur lið gera heilan leik, sátum fyrir aftan boltann og vörðumst.“

„Við áttum tvö færi til þess að klára leikinn en þeir vörðust vel, þannig ég vil hrósa þeim. Þeir voru með tvo framherja inná en við vörðumst vel og þess vegna er ég sáttur.“

Lukaku er búinn að vera á eldi í byrjun tímabils og var Mourinho spurður út í kauða.

„Ég vissi að hann myndi skora mörk, fleiri mörk heldur en hann skoraði fyrir Everton og WBA. Ég verð þó að viðurkenna að ég var ekki að búast við því að hann myndi skora í hverjum einasta leik.“

Eftir sigurinn í dag situr United í 2.sæti deildarinnar en Manchester City er fyrir ofan þá með fleiri mörk skoruð.