Guardiola: Vorum frábærir

Manchester City vann stórleik umferðarinnar í ensku úrvalsdeildinni í fótbolta í dag þegar liðið mætti á Stamford Bridge og sigraði Chelsea 0-1.

Yfirburðir City voru miklir í leiknum og átti Chelsea varla skot á markið.

„Það sem skiptir mestu máli er að vinna leikinn,“ sagði Pep Guardiola, knattspyrnustjóri City eftir leikinn.

„En hvernig við spiluðum, sérstaklega í seinni hálfleiknum, við vorum frábærir. Grimmir og leyfðum þeim ekki að spila boltanum.“

„Kevin [de Bruyne] var frábær í dag, við erum mjög ánægðir með stigin þrjú,“ sagði Pep Guardiola.

De Bruyne skoraði sigurmarkið á 67. mínútu leiksins.