Er þetta kannski örlagavaldur Liverpool og Arsenal á tímabilinu?

Það er mikill munur á gengi ensku liðanna Liverpool og Arsenal í ágúst og september.

Eftir að Liverpool keypti einn leikmann Arsenal í lok ágúst snérist gengi beggja liða algjörlega við.

Alex Oxlade-Chamberlain horfði upp á Liverpool yfirspila Arsenal í síðasta leik sínum í búningi Arsenal. Nokkrum dögum síðar þá keypti Liverpool Oxlade-Chamberlain fyrir 35 milljónir punda.

Þegar Alex Oxlade-Chamberlain mætti til Bítlaborgarinnar þá var Liverpool-liðið búið að vinna fjóra leiki í röð í deild og forkeppni Meistaradeildarinnar með markatölunni 11-3 og allt leit frábærlega út.

Á sama tíma hafði Arsenal-liðið tapað tveimur deildarleikjum í röð án þess að skora mark, fyrst 1-0 á móti Stoke og síðan 4-0 á móti Liverpool.

Liverpool tapaði fyrsta leiknum sínum með Alex Oxlade-Chamberlain 5-0 á móti Manchester City og hefur aðeins unnið 1 af 7 leikjum í öllum keppnum síðan að hann kom á Anfield.

Arsenal hefur aftur á móti unnið 6 af 7 leikjum sínum og ekki enn tapað síðan að félagið seldi Alex Oxlade-Chamberlain til Liverpool.   

Það má sjá þetta svart á hvítu í samantekt Genius Football hér fyrir neðan.

Since Chamberlain moved to Liverpool:

0-5

2-2

1-1

0-2

3-2

1-1

1-1

Arsenal

3-0

3-1

0-0

1-0

2-0

4-2

2-0 pic.twitter.com/CsK4xuUAmY

— GeniusFootball (@GeniusFootball) October 2, 2017

Það lítur því út fyrir að Alex Oxlade-Chamberlain sé örlagavaldur Liverpool og Arsenal. Það er reyndar erfitt að kenna manni um sem var varamaður á báðum stöðum en þetta lítur ekki út fyrir kappann.

Það er allavega ljóst að gengi beggja liða hefur gerbreyst síðan að Oxlade-Chamberlain hafði vistaskipti.