Nýr Defender á næsta ári

Nú fer brátt að líða ár síðan Land Rover hætti alveg framleiðslu frægustu bílgerðar sinnar, þ.e. Defender jeppanum sem framleiddur var svo til óbreyttur í útliti samfellt í 67 ár. Framleiðslan hætti í Solihull verksmiðjunni þann 29. Janúar síðastliðinn. Síðan þá hafa Land Rover menn unnið að nýrri gerð Defender og verður hann kynntur til leiks seint á næsta ári og fjöldaframleiðsla hans komin í fullan gang í byrjun árs 2019.

Það verður því um það bil tveggja ára framleiðsluhlé á Defender jeppanum. Haft er eftir þeim Land Rover mönnum að nýr Defender verði ekki útlitslega með “retro”-skírskotun til gamla Defender bílsins, heldur verði þar á ferð nútímaleg hönnun. Defender verður í boði í tveimur lengdum og hann verður einnig á seinni stigum boðinn sem pallbíll.

Land Rover gerir ráð fyrir að selja um 100.000 eintök af Defender á hverju ári. Talandi um nýja jeppa þá er margt á leiðinni frá bílaframleiðendum heimsins og má þar nefna nýjan Wrangler, Bronco, Mercedes Benz G-Class, Suzuki Jimny og nýjan lítinn jeppa frá Toyota sem mun fá útlitseinkeni frá tilraunabílunum FT-4X og FT-AC.