NBA-leikmaður fékk trukk ofan í sundlaugina heima hjá sér

Evan Turner, leikmaður Portland Trail Blazers, hefur líklega brugðið talsvert þegar það var allt í einu kominn trukkur ofan í sundlaugina hans.

Bílstjóri trukksins missti stjórn á bílnum með þeim afleiðingum að hann fór út af veginum og rann niður brekku sem endaði ofan í sundlauginni hjá Turner. Það tókst að bjarga honum áður en illa fór en halda þurfti höfði hans upp úr vatninu á meðan hann var klipptur úr bílnum.

Truck crashes into Trail Blazer Evan Turners back yard swimming pool, driver was rescued #LiveonK2pic.twitter.com/x4GoGi7RNI

— Evan Bell (@evanbellKATU) December 20, 2017

„Ég vissi ekkert um stöðuna á bílstjóranum en er feginn að heyra að hann sé á lífi,“ sagði Turner við fjölmiðla vestanhafs.

Alls koma átta björgunarmenn að aðgerðinni við að losa bílstjórann úr prísundinni. Bílstjórinn liggur nú á spítala og er sagður vera alvarlega slasaður.