Arna fann ástina í Biggest Loser

Arna Vilhjálmsdóttir missti sextíu kíló í raunveruleikaþáttunum Biggest Loser Íslands og stóð hún uppi sem sigurvegari í þættinum.

Arna var í ítarlegu viðtali við Vísi á dögunum en hún fór að upplifa vanlíðan vegna þyngdar sinnar mjög ung og um tvítugt var hún komin með alvarlegar sjálfsvígshugsanir.

Hún segir að Biggest Loser keppnin hafi breytt lífi sínu en Arna missti ekki aðeins sextíu kíló í keppninni, hún fann einnig ástina. Guðjón Bjarki Ólafsson tók þátt í þáttaröðinni og stóð hann sig nokkuð vel. 

Guðjón var ekki í toppsætunum en hafði misst fjölmörg kíló í lokaþættinum.

Í dag eru Arna og Guðjón par og kynntust þau í þáttunum á síðasta ári. Arna er í ítarlegu viðtali við Vikuna og segir hún þar frá kærastanum. „Með honum þarf ég ekkert að fela,“ segir Arna í samtali við Vikuna.